Read Swahilli Zaburi 84 Bible Online

Zaburi 84 - Swahilli bible

Zaburi 84

¹Kwa mukubwa wa waimbaji: kwa mutindo wa watu wa Gati: Zaburi ya Wakora.

²Ee Yawe wa majeshi, kweli makao yako yanapendeza!

³Nafsi yangu inatamani sana hekalu la Yawe! Moyo na mwili wangu wote vinamushangilia Mungu Mwenye Uzima.

⁴Karibu na mazabahu zako, ee Yawe wa majeshi, mufalme wangu na Mungu wangu, hata kichororo ana makao yake, naye mbaruwayi amejenga chicha yake ambamo anaweka vitoto vyake,

⁵Heri wale wanaokaa ndani ya nyumba yako, wakiimba sifa zako siku zote.

⁶Heri watu wanaopata nguvu zao kwako, wanaotamani kusafiri kwa kuabudu kwa mulima wako.

⁷Wanapopita katika bonde lenye kukauka la Baka, wanalifanya kuwa chemichemi, nazo mvua za kwanza zinalijaza maji.

⁸Wanaendelea wakipata nguvu zaidi na zaidi: watamwona Mungu wa miungu huko Sayuni.

⁹Usikie maombi yangu, ee Yawe, Mungu wa majeshi! Unitegee sikio, ee Mungu wa Yakobo.

¹⁰Ee Mungu, umwangalie huyo ngao yetu, upendezwe na huyo uliyemuchagua.

¹¹Siku moja tu ndani ya hekalu lako, ni bora kuliko siku elfu pahali pengine; afazali kubakia kwa mulango wa nyumba yako, kuliko kuishi ndani ya nyumba ya waovu.

¹²Yawe Mungu ni jua na ngao yetu. Anatukubali na anatupatia utukufu. Hawanyimi kitu chochote kizuri wale wanaoishi katika ukamilifu.

¹³Ee Yawe wa majeshi, heri mutu yule anayekutumainia wewe!