Read Swahilli Mezali 1 Bible Online

Mezali 1 - Swahilli bible

Mezali 1

¹Hizi ni mezali za Solomono mwana wa Daudi mufalme wa Israeli.

²Zitawawezesha watu kujua hekima na mafundisho, na kufahamu misemo yenye maana kubwa.

³Zitawafundisha watu matendo ya hekima, haki, usawa, na sheria ya Mungu.

⁴Zitawaerevusha wajinga, zitawapa vijana maarifa na akili.

⁵Mwenye hekima akizisikiliza, zitamwongezea elimu; na mwenye ufahamu zitamupatia ujuzi.

⁶Wataweza kuelewa mezali na maana iliyofichwa, watayaelewa maneno ya wenye hekima na vitendawili vyao.

⁷Kumwogopa Yawe ni musingi wa maarifa, lakini wapumbafu wanazarau hekima na mafundisho.

⁸Mwana wangu, sikiliza mafundisho ya baba yako, wala usizarau mashauri ya mama yako;

⁹hayo yatakupamba kilemba cha neema juu ya kichwa chako, kama mukufu katika shingo yako.

¹⁰Mwana wangu, usikubali kushawishiwa na wenye zambi.

¹¹Wakisema: “Twende kuvizia mutu na kumwua; kuja tuwashambulie wasiokuwa na kosa!

¹²Tutawameza wakiwa wazima kama kuzimu, watakuwa kama wale wanaoshuka katika shimo.

¹³Tutajitwalia mali zote za bei kali, tutazijaza nyumba zetu vitu tulivyonyanganya.

¹⁴Kuja na ushirikiane nasi, vyote tutakavyopata tutagawanyana.”

¹⁵Wewe mwana wangu usiandamane nao, uzuie muguu wako usifuatane nao.

¹⁶Maana wao wako mbio kutenda maovu, haraka zao zote ni za kumwanga damu.

¹⁷Mutego unaotegwa na ndege akiona, mutego ule unategwa bure.

¹⁸Wao wanavizia na kujiangamiza wao wenyewe, wanatega mutego wa kujinasa wao wenyewe.

¹⁹Ndizo njia za wanyanganyi; maisha yao yananyanganywa.

²⁰Hekima inapiga kelele katika barabara, inaita kwa sauti kubwa katika viwanja;

²¹inaita kwenye masanganjia, inaita kwenye milango ya muji:[1]

²²“Enyi wajinga! Mpaka wakati gani mutapenda kuwa wajinga? Mpaka wakati gani wenye kuzarau watafurahia mazarau yao, na wapumbafu kuchukia maarifa?

²³Musikilize maonyo yangu; nitawamiminia mawazo yangu, nitawajulisha maneno yangu.

²⁴“Nimewaita nanyi mumekataa kusikiliza, nimewanyooshea mukono mukuje nanyi hamukujali,

²⁵mumetupilia mashauri yangu yote, mumezarau maonyo yangu.

²⁶Kwa sababu hiyo, woga utakapowapata kama zoruba, hasara yenu itakapowatokea kama upepo mukali, taabu na huzuni vitakapowapata, nitachekelea hasara yenu na kuwasimanga.

²⁸Halafu mutaniita lakini sitaitika; mutanitafuta kwa bidii lakini hamutanipata.

²⁹“Muliyachukia maarifa, wala hamukuchagua kumwogopa Yawe,

³⁰mulikataa shauri langu, mukazarau maonyo yangu yote.

³¹Basi, mutakula matunda ya mienendo yenu, mutageukiwa na mashauri yenu wenyewe.

³²Maana wajinga wanajiua kwa kiburi chao, wapumbafu wanajiangamiza kwa kufanikiwa kwao.

³³Lakini mutu anayenisikiliza atakaa salama, atatulia bila kuogopa mabaya.”