Read Swahilli Mezali 16 Bible Online

Mezali 16 - Swahilli bible

Mezali 16

¹Mwanadamu anapanga mipango yake, lakini neno la mwisho ni la Yawe.

²Matendo yote ya mutu yanaonekana kwake kuwa sawa lakini Yawe anapima nia ya mutu.

³Tegemea Yawe katika kazi yako, nayo mipango yako itafanikiwa.

⁴Yawe ameumba kila kitu kwa kusudi lake, hata waovu kwa ajili ya siku ya maangamizi.

⁵Kila mwenye kiburi ni chukizo kwa Yawe. Hakika mutu wa namna hiyo hatakosa kuazibiwa.

⁶Kwa wema na uaminifu mutu anaondoa uovu. Kwa kumwogopa Yawe anaepuka ubaya.

⁷Yawe akipendezwa na mwenendo wa mutu, anawageuza hata waadui zake kuwa warafiki.

⁸Afazali mali kidogo kwa njia ya haki, kuliko mapato mengi kwa njia isiyofuatana na sheria ya Mungu.

⁹Mutu anaweza kufanya mipango yake, lakini Yawe anaongoza hatua zake.

¹⁰Mufalme anaamua kwa maongozi toka kwa Mungu. Anapotoa hukumu hapotoki.

¹¹Mizani na vipimo vya kweli ni vya Yawe. Mawe yote ya kupimia katika mufuko ni kazi yake.

¹²Ni chukizo kubwa kwa wafalme kutenda uovu, maana musingi wa mamlaka yao ni haki.

¹³Mufalme anapendelea mutu anayesema maneno ya haki. Anamupenda mutu anayesema kwa usawa.

¹⁴Hasira ya mufalme ni kama mujumbe wa kifo; mutu mwenye hekima ataituliza.

¹⁵Uso wa mufalme ukiangaa, kuna uzima; kupendwa naye ni kama wingu la mvua kwa shamba.

¹⁶Kupata hekima ni bora kuliko zahabu; kupata akili ni chaguo bora kuliko feza.

¹⁷Njia ya watu wa usawa ni kujiepusha na uovu; anayechunga njia yake anachunga maisha yake.

¹⁸Kiburi kinatangulia maangamizi; majivuno yanatangulia maanguko.

¹⁹Afazali kuwa munyenyekevu pamoja na masikini, kuliko kugawanyana vitu vya unyanganyi pamoja na wenye kiburi.

²⁰Anayefikiri sana juu ya neno atafanikiwa. Heri mutu yule anayemutumainia Yawe.

²¹Mwenye hekima ndani ya moyo anaitwa mwenye akili; neno la kupendeza linawavuta watu.

²²Hekima ni chemichemi ya uzima kwa yule anayekuwa nayo, lakini upumbafu ni azabu ya wapumbafu.

²³Moyo wa mwenye hekima unamwezesha kusema kwa hekima; unayafanya maneno yake yakuwe ya kuvutia.

²⁴Maneno mazuri ni kama asali. Ni matamu kwa nafsi na yenye kuupatia mwili afya.

²⁵Kuna njia mutu anayoona kuwa sawa, lakini kwa mwisho inaongoza kwenye kifo.

²⁶Njaa inamusukuma mutu kufanya kazi, maana tamaa ya kinywa chake inamupa bidii.

²⁷Mutu mwovu anapanga kutenda uovu. Maneno yake ni kama moto mukali.

²⁸Mutu mupotovu anatawanya ugomvi, na muchonganishi anatenganisha warafiki.

²⁹Mutesaji mukali anamushawishi jirani yake na kumwongoza katika njia mbaya.

³⁰Anayekonyeza jicho amepanga kutenda maovu; anayekaza midomo amekwisha kutenda mabaya.

³¹Kuwa na imvi za uzee ni taji la utukufu; zinapatikana kwa maisha ya haki.

³²Asiyekuwa mwepesi wa hasira ni bora kuliko mwenye nguvu. Anayetawala nafsi yake ni bora kuliko anayetaka muji.

³³Kura inapigwa kwa kujua yatakayotukia, lakini uamuzi ni wa Yawe.