Read Swahilli Mezali 23 Bible Online

Mezali 23 - Swahilli bible

Mezali 23

¹Ukikaa kwa kula pamoja na mutawala, usisahau hata kidogo uko pamoja na nani.

²Zuia sana hamu yako, ikiwa wewe unapenda sana kula.

³Usitamani vyakula vyake vizuri, maana vinaweza kukudanganya.

⁴Usijichokeshe na kutafuta utajiri; acha kufikiri juu yake.

⁵Macho yako yatakapokuwa yanaanza tu kuuona, nao utatoweka mara moja. Maana hakika utajiri unaota mabawa, unaruka na kutoweka katika anga kama tai.

⁶Usikule chakula cha mutu muchoyo, wala usitamani vyakula vyake vizurivizuri,

⁷maana ndani ya moyo wake anahesabu unachokula. Atakuambia: “Kula, kunywa!” Lakini ndani ya moyo wake hayuko pamoja nawe.

⁸Utatapika vipande ulivyokula; shukrani zako zote zitakuwa za bure.

⁹Usiseme maneno yako mbele ya mupumbafu, maana atazarau hekima ya maneno yako.

¹⁰Usiondoe kitambulisho cha mupaka wa zamani, wala usinyanganye mashamba ya wayatima,

¹¹maana Mungu, Mukombozi wao, ni mwenye nguvu, naye atatetea haki yao nawe utaonekana kuwa na kosa.

¹²Tumia akili yako kwa kufuata mafundisho; tumia masikio yako kwa kusikiliza maarifa.

¹³Usiache kufundisha mutoto; ukimupiga fimbo hatakufa.

¹⁴Ukimupiga fimbo, utayaokoa maisha yake na kuzimu.

¹⁵Mwana wangu, moyo wako ukiwa wenye hekima, moyo wangu vilevile utakuwa wenye furaha.

¹⁶Moyo wangu utashangilia, midomo yako itakaposema maneno ya usawa.

¹⁷Moyo wako usiwaonee wivu wenye zambi, lakini endelea kumwogopa Yawe siku zote.

¹⁸Hakika siku nzuri zitafika na tumaini lako halitakuwa la bure.

¹⁹Sikia, mwana wangu, ukuwe na hekima; fikiri sana jinsi unavyoishi.

²⁰Usikuwe mumoja kati ya walevi wa divai, wala walafi wenye kupenda nyama,

²¹maana walevi na walafi wataishia kuwa wamasikini. Usingizi utawavalisha nguo za kupasukapasuka.

²²Umusikilize baba yako aliyekuzaa, wala usimuzarau mama yako akizeeka.

²³Nunua ukweli, wala usiuuzishe; nunua hekima, mafundisho na akili.

²⁴Baba wa mutoto mwenye haki atajaa furaha; anayezaa mutoto mwenye hekima atamufurahia.

²⁵Uwafurahishe baba na mama yako; mama yako aliyekuzaa afurahi.

²⁶Mwana wangu, unisikilize kwa uangalifu, ufuate mwenendo wa maisha yangu.

²⁷Kahaba ni kama shimo refu; mwanamuke mugeni ni kama kisima chembamba.

²⁸Yeye anavizia kama munyanganyi, anasababisha wanaume wengi kukosa uaminifu.

²⁹Ni nani wenye taabu? Ni nani wenye huzuni? Ni nani wenye ugomvi? Ni nani wenye malalamiko? Ni nani wenye vidonda bila sababu? Ni nani wenye macho mekundu?

³⁰Ni wale ambao hawabanduki penye divai, wale ambao wanatafuta divai iliyochanganywa.

³¹Usiitamani divai hata kwa wekundu wake, hata kama inametameta katika kilauri, na kushuka vizuri unapoikunywa.

³²Kwa mwisho inauma kama nyoka; inachoma kama fira mwenye sumu.

³³Macho yako yataona mambo ya ajabu, moyo wako utatoa mambo yaliyopotoka.

³⁴Utakuwa kama mutu anayelala katikati ya bahari, kama mutu anayelala juu ya mulingoti wa mashua.

³⁵Utasema: “Nimepigwa, lakini sikuumia; wamenipondaponda, lakini sikusikia kitu. Nitaamuka saa gani kusudi nitafute kinywaji kingine?”