Read Swahilli Mezali 24 Bible Online

Mezali 24 - Swahilli bible

Mezali 24

¹Usiwaonee wivu watu waovu, wala usitamani kuwa pamoja nao,

²maana mafikiri yao yote ni juu ya kutesa tu, nayo midomo yao inasema mabaya.

³Nyumba inajengwa kwa hekima, na kuimarishwa kwa ufahamu.

⁴Kwa maarifa vyumba vyake vinajazwa vitu vya bei kali na vya kupendeza.

⁵Kuwa na hekima na maarifa ni bora kuliko kuwa na nguvu.[8]

⁶Maana kwa mipango mizuri unaweza kupigana vita, na kwa washauri wengi ushindi unapatikana.

⁷Kwa mupumbafu hekima ni ngumu kuielewa; penye mukutano wa mashauri hafungui mudomo.

⁸Anayefikiria kutenda maovu siku zote, ataitwa mutu mwenye fitina.

⁹Mupango mupambafu anaofikiri ni zambi; mwenye kuzarau anachukiwa na kila mutu.

¹⁰Ukiregea wakati wa shida, basi wewe ni muzaifu kweli.

¹¹Umwokoe mutu anayepelekwa kuuawa kwa bure; usisite kumwopoa anayeuawa bila kosa.

¹²Usiseme kisha: “Hatukujua!” Maana Mungu anayepima mioyo ya watu anaona; yeye atakulipa kulingana na matendo yako!

¹³Mwana wangu, ukule asali maana ni nzuri; sega la asali ni tamu katika kinywa chako.

¹⁴Ndivyo hekima itakavyokuwa katika nafsi yako; ukiipata, siku nzuri zitakuja na tumaini lako halitakuwa la bure.

¹⁵Usivizie kama mwovu kwa kushambulia makao ya mutu wa haki, wala usijaribu kuharibu nyumba yake,

¹⁶maana mutu wa haki anaanguka mara nyingi naye anainuka tena, lakini mutu mwovu anaangamizwa na hasara.

¹⁷Usishangilie kuanguka kwa adui yako; usifurahie ndani ya moyo wako kujikwaa kwake,

¹⁸maana Yawe akiona yale hatapendezwa; ataacha kumuazibu.

¹⁹Usihangaike kwa sababu ya watenda mabaya, wala usiwaonee wivu watu waovu,

²⁰maana siku mbaya zitamufikia mwovu; taa ya uzima wake itazimika.

²¹Mwana wangu, uwaheshimu Yawe na mufalme, wala usishirikiane na waasi,

²²maana maangamizi yatawatokea kwa rafla. Hakuna anayejua magumu watakayoleta.

²³Hii ni misemo mingine ya wenye hekima. Kupendelea watu katika hukumu si vizuri.

²⁴Anayemwachilia mutu mwenye kosa analaaniwa na watu na kuchukiwa na mataifa.

²⁵Lakini wanaowaazibu waovu watapata furaha, na baraka nzuri zitawafikia.

²⁶Jibu linalokuwa la haki ni kama busu la rafiki.

²⁷Kwanza fanya kazi zako inje na kutayarisha kila kitu katika shamba. Kisha jenga nyumba yako.

²⁸Usishuhudie bure juu ya jirani yako, wala usiseme uongo juu yake.

²⁹Usiseme: “Nitamutendea kama vile alivyonitendea! Inapasa kulipiza kisasi!”

³⁰Nilipitia karibu na shamba la muvivu, ni kusema shamba la mizabibu la mutu mupumbafu,

³¹niliona kwamba lilikuwa limeota miiba, majani yalikuwa yamefunika eneo lake lote, na ukuta wake wa mawe ulikuwa umebomoka.

³²Niliangalia, nikawaza. Kwa mwisho nikapata fundisho:

³³Lala tu kidogo, sinzia tu kidogo, kunja mikono yako tu upumzike,

³⁴lakini kumbuka kwamba unapokuwa katika usingizi, umasikini utakufikia kama munyanganyi, ukosefu kama mutu mwenye silaha.