Read Swahilli Mezali 26 Bible Online

Mezali 26 - Swahilli bible

Mezali 26

¹Heshima anayopewa mupumbafu haifai. Ni kama teluji ya wakati wa kipwa, au mvua ya wakati wa mavuno.

²Kama vile ndege anavyorukaruka, vilevile laana isiyokuwa na sababu haimupati mutu.

³Kiboko ni kwa farasi, lijamu ni kwa punda, na fimbo ni kwa mugongo wa mupumbafu.

⁴Usimujibu mupumbafu kipumbafu, kusudi usifanane naye.

⁵Umujibu mupumbafu kama kufuatana na upumbafu wake, kusudi asijione kuwa mwenye hekima zaidi.

⁶Kutuma ujumbe kwa mukono wa mupumbafu ni kama kujikata miguu au kujitafutia mateso.

⁷Mezali katika midomo ya mupumbafu ni kama miguu ya kiwete inayoninginia.

⁸Kumupa mupumbafu heshima ni kama kufunga jiwe kwenye mujeledi.

⁹Mezali katika kinywa cha mupumbafu ni kama tawi lenye miiba katika mukono wa mulevi.

¹⁰Mutu anayemulipa mupumbafu au mulevi kusudi amutumikie, ni kama mupiga upinde anayeumiza kila mutu.

¹¹Mupumbafu anayerudiliarudilia upumbafu wake ni kama imbwa anayekula matapiko yake.

¹²Unamwona mutu anayejiona kuwa mwenye hekima? Afazali kumutumainia mupumbafu kuliko yule.

¹³Muvivu anasema: “Kuna simba kali inje. Kuna simba katika njia.”

¹⁴Kama vile mulango unavyozunguka kwenye vyuma vya kuukamatia, ndivyo muvivu anavyogeuka juu ya kitanda chake.

¹⁵Muvivu anatia mukono wake katika sahani, lakini anachoka kwa kuuinua mpaka kwenye mudomo.

¹⁶Muvivu anajiona kuwa mwenye hekima kuliko watu saba wanaoweza kujibu kwa akili.

¹⁷Anayejiingiza katika ugomvi usiomwelekea, ni kama mutu anayeshika masikio ya imbwa anayepita.

¹⁸Kama vile mwenda-wazimu anavyotupa mienge ya moto, mishale, na kifo,

¹⁹ndivyo mutu ambaye anadanganya jirani, kisha anasema: “Nilikuwa ninafanya muzaha tu!”

²⁰Bila kuni, moto unazimika; bila mwenye kuchochea, ugomvi unamalizika.

²¹Kama vile makaa au kuni vinachochea moto, ndivyo mugomvi anachochea ugomvi.

²²Maneno ya muchongeaji ni kama chakula kitamu; yanashuka mpaka ndani kabisa ya tumbo.

²³Kama vile rangi yenye kungaa iliyopakwa juu ya chungu cha udongo, ndivyo maneno matamu yenye nia mbaya yanavyokuwa.

²⁴Mwenye chuki anaficha chuki yake kwa maneno mazuri, lakini uovu unajaa ndani ya moyo wake.

²⁵Akisema maneno mazuri usimwaminie. Ndani ya moyo wake kuna machukizo mengi.

²⁶Anaweza kuficha chuki yake, lakini nia zake mbaya zitajulikana kwa wote.

²⁷Anayechimbia mwenzake shimo, anatumbukia ndani mwenyewe; anayewaporomoshea wengine jiwe, litamurudilia mwenyewe.

²⁸Anayesema uongo anachukia wale anaowaumiza, naye anayebembeleza analeta maangamizi.