Read Swahilli Mezali 28 Bible Online

Mezali 28 - Swahilli bible

Mezali 28

¹Waovu wanakimbia ijapokuwa hawafukuzwi na mutu, lakini wenye haki ni hodari kama simba.

²Taifa lenye fujo lina viongozi wengi, lakini kwa kiongozi mumoja mwenye akili na maarifa kuna utengemano.

³Mutu mwenye hitaji anayewatesa wamasikini, anafanana na mvua kubwa inayoharibu mimea.

⁴Watu wanaovunja sheria wanasifu waovu, lakini wanaoshika sheria wanapingana nao.

⁵Waovu hawaelewi haki ya sheria, lakini wanaomwogopa Yawe wanaielewa kabisa.

⁶Afazali masikini mwenye mwenendo mukamilifu, kuliko tajiri anayeishi kwa upotovu.

⁷Mutoto anayeshika sheria ni mwenye hekima, lakini rafiki wa walafi anafezehesha baba yake.

⁸Anayeongeza mali yake kwa mazidio na kulipisha faida, anamukusanyia mwingine mwenye kuwahurumia wamasikini.

⁹Anayekataa kuisikia sheria, yule, hata maombi yake, ni chukizo kwa Mungu.

¹⁰Anayepotosha mutu wa usawa katika njia mbaya, ataanguka katika shimo lake mwenyewe. Wakamilifu watarizi mazuri.

¹¹Tajiri anajiona mwenyewe kuwa mwenye hekima, lakini masikini mwenye akili atamufichua.

¹²Watu wa haki wakipata madaraka, kuna utukufu mukubwa. Lakini waovu wakitawala, watu wanajificha.

¹³Anayeficha makosa yake hatafanikiwa, lakini anayeungama na kuyaacha atahurumiwa.

¹⁴Heri mutu anayemwogopa Yawe siku zote, lakini mwenye moyo mugumu atapata hasara.

¹⁵Mutawala mwovu anayetawala wamasikini ni kama simba anayenguruma au dubu anayeshambulia.

¹⁶Mutawala asiyekuwa na akili anawagandamiza sana watu, lakini anayechukia mali ya udanganyifu atatawala kwa muda murefu.

¹⁷Mutu anayelemewa na kosa ya kuua mutu, atakuwa mukimbizi mpaka katika kaburi. Mutu yeyote asijaribu kumusaidia.

¹⁸Mwenye mwenendo mukamilifu ataponyeshwa, lakini munafiki wa njia mbili ataanguka mara moja.

¹⁹Anayelima shamba lake atapata chakula kingi, lakini anayefuata mambo yasiyofaa atapata umasikini tele.

²⁰Mutu mwaminifu atapata baraka tele, lakini mwenye pupa ya kuwa tajiri hataepuka azabu.

²¹Si vizuri kumubagua mutu. Watu wanafanya mabaya hata kwa ajili ya mukate.

²²Mutu muchoyo anakimbilia mali, wala hajui kwamba ukosefu utamufikia.

²³Anayemwonya mwenzake kwa mwisho atasifiwa naye, kuliko yule anayemubembeleza kwa maneno matamu.

²⁴Anayeiba mali ya baba yake au ya mama yake na kusema si kosa, anatumika pamoja na yule anayeangamia.

²⁵Muchoyo anachochea magomvi, lakini anayetegemea Yawe atafanikiwa.

²⁶Anayetegemea akili yake mwenyewe ni mupumbafu; lakini anayeishi kwa hekima atakuwa salama.

²⁷Anayesaidia wamasikini hatakosewa kitu, lakini anayekataa kuwaangalia atalaaniwa kwa wingi.

²⁸Waovu wakitawala, watu wanajificha. Lakini wakiangamia, wenye haki wanaongezeka.