Read Swahilli Wimbo wa Solomono 1 Bible Online

Wimbo wa Solomono 1 - Swahilli bible

Wimbo wa Solomono 1

¹Wimbo wa Solomono[1] unaokuwa bora kuliko nyimbo zote.

²Heri midomo yako ingalinibusu, maana mapendo yako ni bora kuliko divai.

³Manukato yako yananuka vizuri, na jina lako ni kama marasi yenye harufu nzuri. Kwa hiyo wabinti wote wanakupenda!

⁴Unipeleke, tuende haraka, mufalme amenileta katika chumba chake. Tutafurahi na kukushangilia pamoja, tutasifu mapenzi yako kuliko divai. Wabinti wana haki ya kukupenda!

⁵Enyi wabinti wa Yerusalema, mimi ni mweusi. Ninapendeza kama mahema ya Kedari, kama mapazia ya nyumba ya Solomono.

⁶Musinishangae kwa sababu mimi ni mweusi. Ni kwa sababu jua limenichoma. Wandugu zangu walinikasirikia, wakanifanya kuwa mutumishi katika mashamba ya mizabibu. Lakini sikuchunga shamba langu la mizabibu.

⁷Basi uniambie ee wangu wa moyo, utawakulishia kondoo wako wapi? Ni wapi watakapopumzikia pa saa sita? Kwa nini mimi nikutafute kati ya makundi ya wenzako?

⁸Ewe unayependeza kuliko wanawake wote; kama haujui, fanya hivi: ufuate nafasi kondoo walipopita; basi, uwakulishie mbuzi wako karibu na hema za wachungaji.

⁹Wewe ee mupenzi wangu, ninakulinganisha na farasi dume wa magari ya Mufalme wa Misri.

¹⁰Pete za masikio zinapendeza mashavu yako. Mikufu ya mawe ya bei kali inapendeza shingo yako.

¹¹Tutakufanyizia mikufu ya zahabu, iliyopambwa vizuri kwa feza.

¹²Mufalme alipokuwa akiikaa kwenye meza yake, marasi yangu ya nardo yalisambaa kila pahali.

¹³Mupenzi wangu ni kama mufuko wa ubani kwangu, kati ya maziba yangu.

¹⁴Mupenzi wangu ni kama maua ya hina yanayochanua kwenye mashamba ya mizabibu kule Engedi.

¹⁵Hakika sura yako ni nzuri, ee mupenzi wangu, hakika sura yako ni nzuri! Macho yako ni kama ya njiwa!

¹⁶Hakika sura yako ni nzuri, ewe ninayekupenda, sura yako ni nzuri kweli! Majani mabichi yatakuwa kitanda chetu;

¹⁷miti ya mierezi itakuwa nguzo za nyumba yetu, na miti ya miberoshi itakuwa dari yake.