Read Swahilli Wimbo wa Solomono 3 Bible Online

Wimbo wa Solomono 3 - Swahilli bible

Wimbo wa Solomono 3

¹Usiku nikiwa kwenye kitanda changu, nilimutafuta yule ninayemupenda. Nilimutafuta, lakini sikumupata.

²Nikaamuka, nikazunguka katika muji, katika barabara na nafasi za makutano, nikimutafuta yule wangu wa moyo. Nilimutafuta, lakini sikumupata.

³Walinzi wa muji waliniona walipokuwa wanazunguka katika muji. Basi nikawauliza: Mumemwona mupenzi wangu wa moyo?

⁴Mara tu nilipoachana nao, nikamwona mupenzi wangu wa moyo. Nikamushika wala sikumwacha aondoke, mpaka nilipomupeleka katika nyumba kwa mama yangu, mpaka ndani ya chumba cha yule aliyenizaa.

⁵Ninawasihi, enyi wabinti wa Yerusalema, kama vile paa au swala wanavyokuwa katika pori, musichochee wala kuamusha mapenzi, mpaka pale wakati wake utakapofika.

⁶Ni kitu gani kile kinachotoka katika jangwa kama munara wa moshi, kinachotoa harufu ya manemane na ubani, manukato yanayouzishwa na wachuuzi?

⁷Angalia! Ni kipoyi cha Solomono, akibebwa juu ya kiti chake cha kifalme, akizungukwa na walinzi makumi sita, mashujaa bora wa Israeli.

⁸Kila mumoja wao ameshika upanga, kila mumoja wao ni hodari wa vita. Kila mumoja ana upanga wake kwenye kiuno, tayari kupambana na adui usiku.

⁹Mufalme Solomono alijitengenezea kipoyi, kwa mbao nzuri kutoka Lebanoni.

¹⁰Nguzo zake zilitengenezwa kwa feza, nafasi ya kuegemea imefunikwa kwa zahabu, nafasi ya kuikalia imefunikwa na vitambaa vya nyekundu-nyeusi. Katikati yake kilipambwa na wabinti wa Yerusalema waliokishonea vitambulisho vya upendo.

¹¹Mukuje basi enyi wabinti wa Sayuni, mumwone mufalme Solomono. Amevaa taji aliyovalishwa na mama yake, siku alipofanya ndoa yake, siku ambayo moyo wake ulijaa furaha.