Read Swahilli Wimbo wa Solomono 4 Bible Online

Wimbo wa Solomono 4 - Swahilli bible

Wimbo wa Solomono 4

¹Hakika sura yako ni nzuri, ewe mupenzi wangu, hakika sura yako ni nzuri! Macho yako ni mazuri kama ya njiwa ndani ya ushungi wako. Nywele zako ni kama kundi la mbuzi wanaoshuka kwenye milima ya Gileadi.

²Meno yako ni kama kundi la kondoo dike waliokatwa manyoya, wanaotoka kwenye maji kisha kuogeshwa; kila mumoja akiwa na pacha lake, na hakuna yeyote aliyekufiwa.

³Midomo yako ni kama utepe mwekundu, kinywa chako kinapendeza kweli. Mashavu yako ni kama nusu mbili za makomamanga ndani ya ushungi wako.

⁴Shingo yako ni kama munara wa Daudi, uliojengwa kwa kulinda silaha, ambako ngao elfu moja zimetundikwa, zote zikiwa za mashujaa.

⁵Maziba yako ni kama paa mapacha, ambao wanachungwa penye yungiyungi.

⁶Nitakaa kwenye mulima wa marasi, na kwenye kilima cha ubani, mpaka pale kutakapopambazuka, na giza kutoweka.

⁷Wewe ni nzuri kabisa, ee mupenzi wangu, wewe hauna kilema chochote.

⁸Kuja, muchumba wangu, tuondoke Lebanoni, na tuiache mbali milima ya Lebanoni. Shuka toka kilele cha mulima Amana, toka kilele cha Seniri na Hermoni, toka mashimo ya simba, toka kwenye milima ya chui.

⁹Umeua moyo yangu, dada yangu, muchumba wangu, umeua moyo yangu, kwa kunitupia jicho mara moja tu, na kwa ule mukufu wako katika shingo.

¹⁰Dada yangu, muchumba wangu; mapendo yako yananivuta ajabu. Ni bora kuliko divai, marasi yako yananuka vizuri kuliko viungo vyote.

¹¹Midomo yako inadondosha asali, ee muchumba wangu, ulimi wako una asali na maziwa. Harufu nzuri ya nguo zako ni kama miti ya Lebanoni.

¹²Dada yangu, muchumba wangu, ni bustani yangu ya pekee, chemichemi inayochungwa.

¹³Machipukizi yako ni bustani ya mikomamanga pamoja na matunda bora kuliko yote, hina na nardo,

¹⁴nardo na zafarani, muchai na mudalasini, ubani na udi, na mimea mingine yenye harufu nzuri.

¹⁵Wewe ni chemichemi ya bustani, kisima cha maji yasiyokauka, vijito vinavyotiririka kutoka milima ya Lebanoni.

¹⁶Vuma, ewe upepo wa kaskazini, kuja, ewe upepo wa kusini, muvume juu ya bustani yangu, mujaze anga kwa marasi, mupenzi wangu akuje katika bustani yake akule matunda yake bora kuliko yote.