Read Swahilli Wimbo wa Solomono 6 Bible Online

Wimbo wa Solomono 6 - Swahilli bible

Wimbo wa Solomono 6

¹Ewe mwanamuke unayekuwa muzuri sana, amekwenda wapi yule mupenzi wako? Ameelekea wapi mupenzi wako, kusudi tupate kushirikiana nawe kwa kumutafuta?

²Mupenzi wangu amekwenda katika bustani yake, pahali ambapo miti ya marasi inastawi. Yeye anakulisha kondoo wake na kukusanya mayungiyungi.

³Mimi ni wa mupenzi wangu, naye ni wangu; yeye anawakulisha kondoo wake kwenye mayungiyungi.

⁴Mupenzi wangu, sura yako ni nzuri kama muji wa Tirza, unapendeza kama Yerusalema, unatisha kama jeshi lenye bendera.

⁵Usiniangalie, tafazali; maana macho yako yananitisha. Nywele zako ni kama kundi la mbuzi wanaoshuka kwenye milima ya Gileadi.

⁶Meno yako ni kama kundi la kondoo dike wanaotoka kwenye maji kisha kuogeshwa, kila mumoja akiwa na pacha lake, na hakuna yeyote aliyekufiwa.

⁷Mashavu yako ni kama nusu mbili za makomamanga ndani ya ushungi wako.

⁸Kuna malkia makumi sita, wahabara makumi nane, na wabinti wasiohesabika!

⁹Hakuna anayekuwa sawa njiwa yangu. Anaenea kabisa. Ni kipenzi cha mama yake, ni binti wake pekee. Wabinti wanamwangalia na kumwita mwenye heri, nao malkia na wahabara wanaimba sifa zake.

¹⁰Ni nani huyu anayeonekana kama mapambazuko, muzuri kama mwezi, mwenye kungaa kama jua, na anatisha kama jeshi lenye bendera?

¹¹Nimeingia katika bustani ya miti ya lozi, kuangalia vichipukizi katika bonde, kuona kama mizabibu imechanua, na mikomamanga imechanua maua.

¹²Bila kutazamia, mupenzi wangu akanitia katika gari la mukubwa.