Read Swahilli Wimbo wa Solomono 7 Bible Online

Wimbo wa Solomono 7 - Swahilli bible

Wimbo wa Solomono 7

¹Rudia, rudia ewe binti Musulami. Rudia, rudia tupate kukuangalia. Kwa nini munataka kumwangalia Musulami sawa vile munaangalia muchezo wa ngoma kati ya makundi mawili?

²Miguu yako inapendeza sana katika viatu, ewe binti wa kifalme. Mizunguko ya kiuno chako ni kama ushanga, kazi ya fundi hodari.

³Kitofu chako ni kama bakuli lisilokosa divai iliyokolezwa. Tumbo lako ni kama lundo la ngano lililozungushiwa mayungiyungi pembeni.

⁴Maziba yako ni kama paa mapacha, ni kama swala wawili.

⁵Shingo yako ni kama munara wa pembe za tembo. Macho yako ni kama visima vya muji wa Hesiboni, karibu na mulango wa Beti-Rabi. Pua yako ni kama munara wa Lebanoni, ambao unauelekea muji wa Damasiki.

⁶Kichwa chako ni kama mulima Karmeli. Misuko ya nywele zako ni nyekundu-nyeusi. Uzuri wako unaweza kumuvuta hata mufalme.

⁷Angalia jinsi sura yako ni nzuri na ya kuvutia, ewe mupenzi, binti unayependeza!

⁸Umbo lako linapendeza kama muti wa ngazi, maziba yako ni kama shada za ngazi.

⁹Nilisema nitapanda muti wa ngazi na kuchuma shada za ngazi. Kwangu maziba yako ni kama shada za zabibu, harufu nzuri ya pumzi yako ni kama matunda ya mutofaa;

¹⁰na kinywa chako ni kama divai tamu. Basi, divai itiririke mpaka kwa mupenzi wangu, ipite juu ya midomo yake na meno yake![2]

¹¹Mimi ni wa mupenzi wangu, naye ananisikilia hamu sana.

¹²Kuja, ewe mupenzi wangu, tuende katika mashamba, tuende tulale kule katika vijiji.

¹³Tutaamuka mapema, tuende kwenye mashamba ya mizabibu, tuone kama imeanza kuchipuka, na kama maua ya zabibu yamekwisha kuchanua, vilevile kama mikomamanga imeanza kutoa maua. Kule ndiko nitakapokupatia pendo langu.

¹⁴Harufu nzuri ya dudai imejaa katika hewa. Karibu na milango yetu kuna kila aina ya matunda bora, yote mapya na ya siku za nyuma, ambayo nimekuwekea wewe mupenzi wangu.