Read Swahilli Wimbo wa Solomono 8 Bible Online

Wimbo wa Solomono 8 - Swahilli bible

Wimbo wa Solomono 8

¹Heri ungekuwa kaka yangu, ambaye amenyonyeshwa na mama yangu! Hivyo, hata kama ningekutana nawe inje, ningekubusu na hakuna ambaye angenizarau.

²Ningekuongoza na kukufikisha ndani ya nyumba ya mama muzazi, pahali ambapo ungenifundisha upendo. Ningekupa divai nzuri iliyokolezwa, ningekupa divai yangu ya makomamanga yangu.

³Mukono wake wa kushoto uko chini ya kichwa changu, mukono wake wa kuume unanikumbatia.

⁴Ninawasihi, enyi wabinti wa Yerusalema, musichochee wala kuamusha mapenzi, mpaka wakati wake utakapofika.

⁵Ni nani huyu anayekuja kutoka katika jangwa, akimwegemea mupenzi wake? Mimi nilikuamusha chini ya muti wa mutofaa, pale ambapo mama yako aliona uchungu, pale ambapo mama yako alikuzaa.

⁶Unipige kama muhuri ndani ya moyo wako, kama muhuri katika mikono yako. Maana mapendo yana nguvu kama kifo, nao wivu ni mukali kama kaburi. Kuwaka kwake ni kama kuwaka kwa moto, unawaka kama ulimi wa moto.

⁷Maji mengi hayawezi kuyazimisha hata kidogo, mafuriko hayawezi kuyazimisha. Mutu akijaribu kununua mapenzi, na kutoa mali yake yote, atakachopata ni mazarau mutupu.

⁸Tuna dada mudogo, ambaye bado hajaota maziba. Basi, tutamufanyia dada yetu nini siku atakapochumbiwa?

⁹Kama angalikuwa ukuta, tungalimujengea munara wa feza; na kama angalikuwa mulango, tungaliupigilia kwa mbao za mierezi.

¹⁰Mimi nilikuwa ukuta, na maziba yangu kama minara yake. Mbele yake nilikuwa kama mwenye kupata amani.

¹¹Solomono alikuwa na shamba la mizabibu, pahali panapoitwa Bali-Hamoni. Alilipangisha kwa walinzi; kila mumoja wao alilipa vikoroti elfu moja vya feza.

¹²Shamba langu la mizabibu ni shamba langu mwenyewe. Basi, Solomono, wewe ukae na elfu zako za feza, na kila mulinzi wa matunda akae na mia mbili zake.

¹³Ewe unayekuwa katika shamba, warafiki zangu wanasikiliza sauti yako; basi nami niisikilize tafazali!

¹⁴Kuja mbio, ewe mupenzi wangu, kama paa au kitoto cha pongo juu ya milima ya marasi.