Read Swahilli Kumbukumbu la Sheria 25 Bible Online

Kumbukumbu la Sheria 25 - Swahilli bible

Kumbukumbu la Sheria 25

¹“Ikiwa kuna ugomvi kati ya watu wawili, na wakienda kwa tribinali kuamua maneno yao, mumoja akionekana hana kosa, na mwingine akihukumiwa,

²kama yule aliyehukumiwa amepewa azabu ya kupigwa fimbo, mwamuzi atamwamuru huyo alale chini na kupigwa fimbo kulingana na kosa lake.

³Mwenye kosa anaweza kupigwa fimbo makumi ine lakini si zaidi. Mukizidisha kiasi hicho mutakuwa mumemufezehesha ndugu yenu.

⁴“Usimufunge ngombe kinywa anapopepeta ngano.

⁵“Kama wandugu wanaishi pahali fulani na mumoja wao akikufa bila kuacha mutoto mwanaume, muke wa marehemu asiolewe na mutu mwingine inje ya jamaa hiyo. Yule ndugu wa marehemu anapaswa kumwoa mujane huyo.

⁶Mutoto wa kwanza mwanaume atakayezaliwa nao atahesabiwa kuwa wa marehemu kusudi jina lake lisifutwe katika inchi ya Israeli.

⁷Lakini kama huyo ndugu wa marehemu hamutaki huyo mwanamuke mujane, basi, mwanamuke huyo atakwenda mbele ya wazee wa muji na kusema: ‘Kaka wa mume wangu marehemu anakataa kuendelesha jina la kaka yake marehemu katika Israeli; hapendi kunitimizia madaraka yake ya kaka wa mume wangu marehemu’.

⁸Kisha wazee wa muji watamwita huyo mwanaume na kuongea naye. Kama ataendelea kukataa kwamba hataki kumwoa,

⁹huyo mwanamuke mujane atamwendea mbele ya hao wazee wa muji, atamuvua kiatu chake kimoja na kumutemea mate kwenye uso na kumwambia: ‘Hivi ndivyo anavyopaswa kutendewa mutu anayekataa kudumisha nyumba ya kaka yake’.

¹⁰Na jina la nyumba yake katika Israeli litakuwa: ‘Nyumba ya mutu aliyevuliwa kiatu.’ ”

¹¹“Wanaume wawili wakipigana na muke wa mumoja wao akimusaidia mume wake kwa kumukamata sehemu za siri yule anayepigana na mume wake,

¹²mutakata mukono wa kuume wa yule mwanamuke; musimuhurumie.

¹³“Musikuwe na vipimo vya kupimia vya namna mbili: kimoja kizito na kingine chepesi. Musitumie mizani za udanganyifu.

¹⁴Wala musikuwe na aina mbili za vipimo vya kupimia, kubwa na ndogo.

¹⁵“Mutumie mizani na vipimo vyenye uzito kamili na vya haki mupate kuishi maisha marefu katika inchi Yawe, Mungu wenu, anayowapa.

¹⁶Wote wanaofanya mambo hayo, wote wanaotenda kwa udanganyifu ni chukizo kwa Yawe, Mungu wenu.

¹⁷“Mukumbuke kitendo cha Waamaleki mulipokuwa katika safari kutoka Misri.

¹⁸Mukumbuke jinsi walivyowashambulia huko katika njia mukiwa wazaifu na kuwapiga wale wote waliokuja nyuma yenu wamechoka. Waamaleki hawakumwogopa Mungu.

¹⁹Kwa hiyo wakati Yawe, Mungu wenu, atakapowapumzisha kutokana na mashambulio ya waadui zenu wote wanaowazunguka katika inchi ambayo amewapa kuwa urizi wenu na kuishi humo, munapaswa kuangamiza Waamaleki wote.