Read Swahilli Kumbukumbu la Sheria 26 Bible Online

Kumbukumbu la Sheria 26 - Swahilli bible

Kumbukumbu la Sheria 26

¹“Na kisha kufika na kurizi inchi ambayo Yawe, Mungu wenu anawapa ikuwe yenu na kuishi huko,

²utatwaa malimbuko ya mazao utakayovuna katika inchi Yawe, Mungu wenu, anayokupa, na kuyaweka katika kikapu mpaka pale pahali ambapo Yawe, Mungu wenu, amechagua pawe makao yake.

³Utamwendea kuhani anayetumika wakati huo, na kumwambia: ‘Leo ninashuhudia mbele ya Yawe, Mungu wangu, kwamba nimeingia katika inchi aliyowaapia wazee wetu kwamba atatupatia’.

⁴“Naye kuhani atakapotwaa kikapu hicho toka mikono yako na kukiweka mbele ya mazabahu ya Yawe, Mungu wako,

⁵utasema maneno haya mbele ya Yawe, Mungu wako: ‘Baba yangu alikuwa Musuria aliyetangatanga huko na huko, kisha akashuka kwenda Misri akaishi huko kama mugeni. Yeye na jamaa yake walikuwa watu wachache tu walipokuwa huko, lakini wakakuwa taifa kubwa lenye nguvu na watu wengi.

⁶Wamisri walitutendea kwa ukali wakatutesa na kutulazimisha kufanya kazi ngumu ya watumwa.

⁷Kisha tukamulilia Yawe, Mungu wa wazee wetu, akasikia kilio chetu, na kuona mateso yetu, kazi ngumu na mateso tulizozipata.

⁸Basi, Yawe akatutoa huko Misri kwa mukono wake wa nguvu ulionyooshwa, kwa vitisho, vitambulisho na maajabu.

⁹Akatuleta hapa na kutupatia inchi hii inayotiririka maziwa na asali.

¹⁰Na sasa ninamuletea Yawe malimbuko ya mazao ya inchi ambayo amenipa’. “Kisha utaweka kikapu chini, mbele ya Yawe, Mungu wako, na kuabudu mbele yake.

¹¹Nawe utafurahia mema yote ambayo Yawe, Mungu wako, amekujalia wewe na jamaa yako. Nao watafurahi pamoja nawe.

¹²Kila nyuma ya miaka mitatu, kila mumoja wenu atatoa sehemu ya kumi ya mazao yake yote kwa ajili ya Walawi na wageni, wayatima na wajane, kusudi wapate chakula chote wanachohitaji wanapokuwa katika miji yenu.

¹³Kisha utasema mbele ya Yawe, Mungu wako, hivi: ‘Nimetoa katika nyumba yangu fungu takatifu, nikawapa Walawi, wageni, wayatima na wajane, kama vile ulivyoniamuru nifanye. Sijavunja amri zako wala sijasahau.

¹⁴Sikukula sehemu ya kumi yoyote nilipokuwa ninaomboleza; sikuitoa inje ya nyumba yangu nilipokuwa muchafu na sikutoa sehemu ya kumi hiyo kwa wafu. Nimekutii ee Yawe, Mungu wangu; nimefanya kila kitu ulichoamuru juu ya sehemu ya kumi.

¹⁵Uangalie chini kutoka makao yako matakatifu mbinguni, uwabariki watu wako Israeli na inchi uliyotupatia kama vile ulivyowaapia wazee wetu; inchi inayotiririka maziwa na asali’.

¹⁶“Leo hii, Yawe, Mungu wenu, anawaamuru kushika masharti na maagizo haya. Mukuwe waangalifu kuyatimiza kwa moyo wote na roho yote.

¹⁷Leo Yawe ameahidi kwamba atakuwa Mungu wenu, kama mutafuata njia zake na kushika masharti, amri, na maagizo yake na kutii sauti yake.

¹⁸Nanyi mumeahidi kwamba mutakuwa watu wake yeye mwenyewe na kwamba mutashika amri zake zote.

¹⁹Atawafanya ninyi kuwa taifa kubwa kuliko mataifa yote aliyoumba. Nanyi mutatetea jina lake, sifa yake na heshima yake. Ninyi mutakuwa watakatifu wake kama vile alivyosema.”