Read Swahilli 1 Wakorinto 16 Bible Online

1 Wakorinto 16 - Swahilli bible

1 Wakorinto 16

¹Sasa juu ya muchango unaofanyika kwa ajili ya watu watakatifu wa Mungu wanaokuwa Yerusalema; ninyi vilevile mufanye sawa vile nilivyoagiza makanisa ya Galatia.

²Kila siku ya kwanza ya juma, kila mumoja wenu anapaswa kuweka akiba ya mali kwake, kwa kadiri ya mapato yake, kusudi musihitaji kufanya muchango wakati nitakapokuja.

³Nami nitakapofika, nitatuma watu mutakaochagua, pamoja na barua kwa kupeleka zawadi yenu Yerusalema.

⁴Ikiwa ni lazima mimi niende vilevile, basi nitasafiri pamoja nao.

⁵Nitakuja kwenu kisha kupitia Makedonia kufuatana na mupango wangu wa kupitia kule.

⁶Labda nitabakia pamoja nanyi muda kidogo, au tena wakati wote wa mvua kali; kusudi muweze kunisaidia kuendelea pahali popote nitakapokwenda.

⁷Kwa maana sitaki kuonana nanyi kwa kupita tu. Ninatumaini kukaa pamoja nanyi siku chache Bwana akitaka.

⁸Lakini, ninataka kubakia hapa Efeso, mpaka siku ya Pentekoste.

⁹Kwa maana nimepata hapa wakati muzuri wa kufanya kazi kubwa ijapokuwa wapinzani ni wengi.

¹⁰Kama Timoteo akifika, mujikaze kumupokea vizuri kati yenu kwa sababu yeye anafanya kazi ya Bwana kama mimi mwenyewe.

¹¹Basi hata mutu mumoja asimuzarau. Lakini mumusaidie aendelee na safari yake katika amani; kusudi apate kurudia kwangu, maana ninamungojea yeye pamoja na wandugu waamini.

¹²Kwa ngambo ya ndugu yetu Apolo, nimemusihi sana akuje kwenu pamoja na wandugu wengine, lakini hakutaka kabisa kwenda sasa; atakwenda kwa wakati utakaomupendeza.

¹³Mukeshe, musimame imara katika imani, mukuwe hodari na wenye nguvu.

¹⁴Mutende mambo yenu yote katika upendo.

¹⁵Ninyi munajua Stefana na jamaa yake; munafahamu kwamba walikuwa watu wa kwanza walioamini katika inchi ya Akaya, nao wamejitoa kwa kutumikia watu wa Mungu. Hivi ninawasihi sana wandugu zangu,

¹⁶mukubali kuongozwa na watu kama hawa na wale wote wanaotumika na bidii pamoja nao.

¹⁷Nami ninafurahi kwa kufika kwa Stefana, Fortunato na Akaiko; wamekuwa kwa pahali penu,

¹⁸nao wamenifariji kama vile walivyowafariji ninyi wenyewe. Inafaa kuwakumbuka watu kama hawa.

¹⁹Makanisa ya jimbo la Azia yanawasalimia. Akila na Prisila pamoja na kanisa linalokusanyika ndani ya nyumba yao wanawasalimia sana katika Bwana.

²⁰Wandugu wote wanaokuwa hapa wanawasalimia. Na ninyi vilevile musalimiane kwa upendo wa kikristo.

²¹Hii ni salamu ninayoiandika kwa mukono wangu mimi Paulo mwenyewe.

²²Kama mutu hamupendi Bwana, alaaniwe! Bwana wetu, kuja[3]!

²³Neema ya Bwana Yesu ikuwe pamoja nanyi.

²⁴Ninawapenda ninyi wote katika kuungana na Yesu Kristo.