Read Swahilli 1 Watesalonika 5 Bible Online

1 Watesalonika 5 - Swahilli bible

1 Watesalonika 5

¹Wandugu, si lazima kwenu niwaandikie jambo lolote juu ya wakati wala saa ambayo mambo hayo yatatokea.

²Kwa maana munajua ninyi wenyewe kwamba siku Bwana atakaporudia, itatimia kwa saa musiyozania kama vile mwizi anavyokuja usiku.

³Watu watakapokuwa wakisema: “Kuna amani na usalama”, ndio wakati uharibifu utakapowapata kwa rafla kama vile maumivu ya kuzaa yanavyomupata mwanamuke mwenye mimba, wala hawataweza kuponyoka.

⁴Lakini ninyi wandugu, hamuko katika giza, kwa hiyo siku ile haitawafikia kwa rafla kama mwizi.

⁵Kwa maana ninyi wote ni watu wanaoishi katika mwangaza, ndio watu wa muchana. Sisi si watu wa usiku wala wa giza.

⁶Basi tusilale usingizi kama vile wengine, lakini tukeshe na kuwa wakadirifu.

⁷Kwa maana wale wanaolala usingizi wanalala usiku, na wale wanaolewa, wanalewa usiku.

⁸Lakini sisi ni watu wa muchana, tunapaswa kuwa wakadirifu. Tunapaswa kushikamana na imani na upendo kama vile nguo ya chuma ya kukingia kifua, nalo tumaini letu la wokovu kama vile kofia ya kutulinda.

⁹Kwa maana Mungu hakututayarishia kuangamizwa kwa ukali wa kasirani yake, lakini kuokolewa kwa njia ya Bwana wetu Yesu Kristo.

¹⁰Yeye alikufa kwa ajili yetu, kusudi hata ikiwa tuko wazima au tumekufa, tupate kuishi pamoja naye wakati atakaporudia.

¹¹Basi mufarijiane na kujengana imani, kama vile munavyozoea kufanya.

¹²Wandugu, tunawaomba muwaheshimu sana wale wanaoshugulika na kazi kati yenu, wale wanaowaongoza na kuwaonya.

¹³Muwape heshima kubwa na kuwapenda kwa ajili ya kazi yao. Mukuwe na amani kati yenu.

¹⁴Tunawasihi wandugu, muwaonye wale wanaokuwa wavivu, muwatie moyo wale wanaoregea, muwasaidie wale wanaokuwa zaifu, na mukuwe wavumilivu kwa watu wote.

¹⁵Muangalie vema, hata mumoja wenu asimurudishie mwenzake ubaya kwa ubaya, lakini mutafutiane wema ninyi kwa ninyi na kwa watu wote.

¹⁶Mukuwe na furaha siku zote.

¹⁷Muombe bila kuchoka.

¹⁸Mumushukuru Mungu katika mambo yote. Kwa maana hayo ndiyo mambo Mungu anayotaka mufanye katika kuungana kwenu na Yesu Kristo.

¹⁹Musizuize kazi ya Roho Mutakatifu.

²⁰Musizarau ujumbe unaotoka kwa Mungu.

²¹Lakini muchunguze kila jambo na kushika lile linalokuwa jema.

²²Muepuke ubaya wa kila namna.

²³Mungu wa amani mwenyewe awatakase kabisa, alinde uzima wenu wote ndiyo roho, moyo na mwili wenu, kusudi visikutiwe na kosa wakati Bwana wetu Yesu Kristo atakaporudia.

²⁴Yule anayewaita ninyi atatimiza mambo hayo, kwa maana yeye ni mwaminifu.

²⁵Wandugu, mutuombee vilevile.

²⁶Musalimiane kwa upendo wa kikristo.

²⁷Ninawasihi kwa jina la Bwana, musome barua hii kwa wandugu wote.

²⁸Tunawatakia neema kutoka kwa Bwana wetu Yesu Kristo.