Read Swahilli Ruta 4 Bible Online

Ruta 4 - Swahilli bible

Ruta 4

¹Boazi akakwenda kwa nafasi ya kufanyia mukutano kule kwenye mulango wa muji, akaikaa chini. Kisha yule ndugu ya Elimeleki ambaye Boazi alikuwa amemutaja, akapita karibu na pale. Boazi akamwita, akasema: “Kuja, uikae hapa ndugu.” Basi yule mutu akakuja na kuikaa pale.

²Halafu Boazi akawaita wazee kumi wa muji, akawaomba wao vilevile waikae pale. Wakaikaa.

³Halafu Boazi akamwambia yule ndugu yake: “Sasa Naomi ambaye amerudi kutoka Moabu, anataka kuuzisha shamba ambalo lilikuwa la ndugu yetu Elimeleki.

⁴Basi mimi nimeona afazali nikujulishe habari hii. Sasa ikiwa unalitaka shamba hili, ulinunue mbele ya wazee wa watu wangu. Ikiwa unalitaka au haulitaki sema basi kwa sababu nafasi ya kwanza ya kulikomboa ni yako, na yangu ni ya pili.” Naye akasema: “Mimi nitalikomboa.”

⁵Boazi akasema: “Ni vizuri, lakini ukilinunua hilo shamba kutoka kwa Naomi, ni sherti umutwae vilevile Ruta wa Moabu, mujane ambaye ni jamaa wa marehemu, kusudi shamba hilo libaki katika jamaa ya yule marehemu.”

⁶Yule ndugu aliyekuwa wa karibu akajibu: “Ikiwa ni hivyo, sitalikomboa shamba hilo, kwa sababu inaonekana kwamba nitauharibu urizi wangu. Afazali nikupe wewe haki yangu ya kulikomboa, maana mimi siwezi kulikomboa.”

⁷Siku zile katika Israeli, kama watu walitaka kukomboa au kubadilishana kitu, ilikuwa desturi kwa mutu kuonyesha kitambulisho kwa kuvua kiatu chake na kumupa mwingine. Kwa kitambulisho hicho, Waisraeli walionyesha kwamba mambo yamesawazishwa.

⁸Basi, mutu huyo alimwambia Boazi: “Ulikomboe shamba”, kisha akavua kiatu chake na kumupa.

⁹Halafu Boazi akawaambia wazee na watu waliokuwa pale: “Leo ninyi ni washuhuda wangu. Mumeona kwamba nimenunua kutoka kwa Naomi, vyote vilivyokuwa vya Elimeleki, na vya Kiliona na Malona.

¹⁰Zaidi ya hayo, nimemupata Ruta wa Moabu mujane wa Malona, kusudi akuwe muke wangu. Mapatano haya yatafanya mali ya jamaa ya marehemu na ukoo wake kubakia kwa watu wake katika muji huu. Ninyi ni washuhuda.”

¹¹Basi wazee waliokuwa kwenye mulango na watu wote waliokuwa pale wakajibu: “Ndiyo, sisi ni washuhuda. Yawe amufanye muke wako akuwe kama Rakeli na Lea, ambao wote wawili waliijenga nyumba ya Israeli. Nawe upate kustawi katika jamaa ya Efurata, ukuwe na sifa katika Betelehemu.

¹²Yawe akupatie watoto wengi kwa njia ya mwanamuke huyu, na jamaa yako ikuwe kama ya Peresi ambaye Tamari alimuzalia Yuda.”

¹³Kwa hiyo, Boazi akamutwaa Ruta kuwa muke wake. Yawe akamujalia Ruta naye akapata mimba, akazaa mutoto mwanaume.

¹⁴Halafu wanawake wa muji huo wakamwambia Naomi: “Atukuzwe Yawe ambaye hakukuacha leo bila kuwa na ndugu wa kukutunza! Mujukuu wako akuwe mwenye sifa kubwa katika Israeli!

¹⁵Yeye atakurudishia uzima wako na atakutunza katika uzee wako. Mukwe wako ni wa lazima zaidi kwako kuliko watoto wa kiume saba, maana anakupenda na amekuzalia mujukuu huyu!”

¹⁶Basi Naomi akamutwaa mutoto yule akamuweka kwenye kifua chake na kuwa mulezi wake.

¹⁷Wanawake wajirani wakatangaza jina wakisema: “Mutoto amezaliwa kwa Naomi”, nao wakamwita jina la Obedi. Kisha Obedi akamuzaa Yese aliyemuzaa Daudi.

¹⁸Na hivi ndivyo vizazi vya Peresi: Peresi alimuzaa Hesironi,

¹⁹Hesironi akamuzaa Ramu, Ramu akamuzaa Aminadabu,

²⁰Aminadabu akamuzaa Nasoni, Nasoni akamuzaa Salmoni,

²¹Salmoni akamuzaa Boazi, Boazi akamuzaa Obedi,

²²Obedi akamuzaa Yese na Yese akamuzaa Daudi.