Read Swahilli Ayubu 6 Bible Online

Ayubu 6 - Swahilli bible

Ayubu 6

¹Ndipo Ayubu akajibu na kusema,

²Laiti uchungu wangu ungepimwa, Na msiba wangu kutiwa katika mizani pamoja!

³Kwa kuwa sasa ungekuwa mzito kuliko mchanga wa bahari; Kwa hiyo maneno yangu yamekuwa ya haraka.

⁴⑯ Kwa kuwa mishale ya huyo Mwenyezi iko ndani yangu, Na roho yangu inainywa sumu yake; Vitisho vya Mungu vimejipanga juu yangu.

⁵Je! Huyo punda mwitu hulia akiwa na majani? Au, ng'ombe hulia akiwa malishoni?

⁶Je! Kitu kisicho na ladha chaweza kulika bila chumvi? Au je, uto wa yai una tamu iwayo yote?

⁷Roho yangu inakataa hata kuvigusa; Kwangu mimi ni kama chakula kichukizacho.

⁸Laiti ningepewa haja yangu, Naye Mungu angenipa neno hilo ninalolitamani sana!

⁹Kwamba Mungu angekuwa radhi kuniponda; Kwamba angeulegeza mkono wake na kunikatilia mbali!

¹⁰Hapo ndipo ningefarijika hata sasa; Naam, ningejikuza katika maumivu yasiyoniacha; Kwa kuwa sikuyakana maneno yake Mtakatifu.

¹¹Nguvu zangu ni zipi, hata ningoje? Na mwisho wangu ni nini, hata nisubiri?

¹²Je! Nguvu zangu ni nguvu za mawe? Au mwili wangu, je! Ni shaba?

¹³Je! Si kwamba sina msaada ndani yangu. Tena kwamba kufanikiwa kumeondolewa mbali nami?

¹⁴Kwake huyo atakaye kuzima roho inapasa atendewe mema na rafiki; Hata kwake huyo aachaye kumcha Mwenyezi.

¹⁵Ndugu zangu wametenda udanganyifu kama kijito cha maji. Mfano wa fumbi la vijito vipitavyo.

¹⁶Vilivyokuwa vyeusi kwa sababu ya barafu, Ambamo theluji hujificha.

¹⁷Wakati vipatapo moto hutoweka; Kukiwako joto, hukoma mahali pao.

¹⁸Misafara isafiriyo kwa njia yao hugeuka; Hukwea kwenda barani, na kupotea.

¹⁹Misafara ya Tema huvitazama, Majeshi ya Sheba huvingojea.

²⁰Wameudhika kwa sababu walitumaini; Wakaja huku, nao walifadhaika.

²¹⑰ Kwani sasa ninyi mmekuwa hivyo; Mnaona maafa yangu, na kuogopa.

²²⑱ Je! Nilisema, Nipeni? Au, Nitoleeni toleo katika mali yenu?

²³Au, Niokoeni na mkono wa adui? Au, Nikomboeni na mikono ya hao waoneao?

²⁴⑲ Nifunzeni, nami nitanyamaa kimya; Mkanijulishe ni jambo gani nililokosa.

²⁵Jinsi yafaavyo maneno ya uelekevu! Lakini shutuma zenu, je! Zimeonya nini?

²⁶Je! Mwafikiri kuyakemea maneno? Maana maneno ya huyo aliyekata tamaa ni kama upepo.

²⁷Naam, mwapenda kuwapigia kura hao mayatima, Na kufanya biashara ya rafiki yenu.

²⁸Sasa basi iweni radhi kuniangalia; Kwani hakika sitanena uongo usoni penu.

²⁹Rudini, nawasihi, lisiwe neno la udhalimu; Naam, rudini tena, neno langu ni la haki.

³⁰⑳ Je! Mna udhalimu ulimini mwangu? Je! Makaakaa yangu hayatambui mambo ya madhara?