Read Swahilli Ayubu 9 Bible Online

Ayubu 9 - Swahilli bible

Ayubu 9

¹Ndipo Ayubu akajibu, na kusema,

² Kweli najua kuwa ndivyo hivyo; Lakini mtu huwaje mwenye haki mbele za Mungu?

³Kama akipenda kushindana naye, Hawezi kumjibu neno moja katika elfu.

⁴Yeye ni mwenye hekima moyoni, na mwenye uwezo katika nguvu; Ni nani aliyejifanya kuwa mgumu juu yake, naye akafanikiwa?

⁵Aiondoaye milima, nayo haina habari, Akiipindua katika hasira zake.

⁶ Aitikisaye dunia itoke mahali pake, Na nguzo zake hutetemeka.

⁷Aliamuruye jua, nalo halichomozi; Nazo nyota huzipiga mhuri.

⁸Ambaye peke yake ni mwenye kuzitandika mbingu, Na kuyakanyaga mawimbi ya bahari.

⁹ Yeye afanyaye hizo nyota za Dubu, na Orioni, na hicho Kilimia, Na makundi ya nyota ya kusini.

¹⁰Atendaye mambo makuu yasiyochunguzika; Naam, mambo ya ajabu yasiyohesabika.

¹¹ Tazama, yuaenda karibu nami, nisimwone; Tena yuapita kwenda mbele, nisimtambue.

¹² Tazama, yuanyakua, ni nani awezaye kumzuia? Ni nani awezaye kumwuliza, Wafanya nini?

¹³Mungu haondoi hasira zake; Hao wamsaidiao Rahabu huinama chini yake.

¹⁴Je! Mimi nitamjibuje, Na kuyachagua maneno yangu kuhojiana naye?

¹⁵ Ambaye, nijapokuwa mimi ni mwenye haki, siwezi kumjibu; Ni lazima nimwombe mshitaki wangu anihurumie.

¹⁶Kama ningemwita, naye akaniitikia; Hata hivyo singeamini kuwa amesikiza sauti yangu.

¹⁷ Yeye anipondaye kwa dhoruba, Na kuyaongeza majeraha yangu pasipokuwa na sababu.

¹⁸Haniachi nipate kuvuta pumzi, Lakini hunijaza uchungu.

¹⁹Kama tukitaja nguvu za mashujaa, tazama yupo hapo! Kama tukitaja hukumu, ni nani atakayemwita mahakamani?

²⁰Ingawa mimi ni mwenye haki, kinywa changu mwenyewe kitanihukumu; Ingawa mimi ni mkamilifu, kitanishuhudia kuwa mimi ni mpotovu.

²¹Mimi ni mkamilifu; siangalii nafsi yangu; Naudharau uhai wangu.

²²① Hayo yote ni mamoja; kwa hiyo nasema, Yeye huangamiza wakamilifu na waovu pia.

²³Kama hilo pigo likiua ghafla, Atayadhihaki majaribu yake asiye na kosa.

²⁴② Dunia imetiwa mkononi mwa waovu; Yeye hufunika nyuso za waamuzi wake; Kama si yeye, ni nani basi?

²⁵Basi siku zangu zina mbio kuliko tarishi; Zakimbia, wala hazioni mema.

²⁶Zimepita kama merikebu ziendazo mbio; Mfano wa tai ayashukiaye mawindo.

²⁷Nikisema, Mimi nitasahau kuugua kwangu, Nitaacha kununa uso nikachangamke moyo;

²⁸③ Mimi ninayaogopa mateso yangu yote, Najua kuwa hutanihesabu kuwa sina hatia.

²⁹Nitahukumiwa kuwa ni mkosa; Ya nini basi nitaabike bure?

³⁰Ingawaje najiosha kwa maji ya theluji, Na kuitakasa mikono yangu kwa sabuni;

³¹Lakini utanitupa shimoni, Nami hata nguo zangu zitanichukia.

³²④ Maana yeye si mtu, kama mimi, hata nimjibu, Hata tuwe mahakamani pamoja.

³³⑤ Hapana mwenye kuamua katikati yetu, Awezaye kutuwekea mkono sote wawili.

³⁴Na aniondolee fimbo yake, Na utisho wake usinitie hofu;

³⁵Hapo Ndipo ningeweza kusema, pasipo kumwogopa; Maana najua sivyo nilivyo nafsini mwangu.