Read Swahilli Zaburi 107 Bible Online

Zaburi 107 - Swahilli bible

Zaburi 107

¹⑥ Mshukuruni BWANA kwa kuwa ni mwema, Kwa maana fadhili zake ni za milele.

²Na waseme hivi waliokombolewa na BWANA, Wale aliowakomboa na mkono wa mtesi.

³⑦ Akawakusanya kutoka nchi zote, Mashariki na magharibi, kaskazini na kusini.

⁴Walitangatanga jangwani katika njia ya nyika; Hawakuona mji wa kukaa.

⁵Waliona njaa na kiu, Nafsi yao ilikuwa ikizimia ndani yao.

⁶⑧ Wakamlilia BWANA katika dhiki zao, Akawaponya na shida zao.

⁷⑩ Akawaongoza kwa njia ya kunyoka, Wapate kwenda mpaka mji wa kukaa.

⁸Na wamshukuru BWANA, kwa fadhili zake, Na maajabu yake kwa wanadamu.

⁹⑪ Maana hushibisha nafsi yenye shauku, Na nafsi yenye njaa huijaza mema.

¹⁰⑫ Waliokaa katika giza na uvuli wa mauti, Wamefungwa katika taabu na minyororo,

¹¹⑬ Kwa sababu waliyaasi maneno ya Mungu, Wakalidharau shauri lake Aliye Juu.

¹²⑭ Hata akawadhili moyo kwa taabu, Wakajikwaa, wala pasiwe na wa kuwasaidia.

¹³Wakamlilia BWANA katika dhiki zao, Akawaponya kutoka kwa shida zao.

¹⁴⑮ Aliwatoa katika giza na uvuli wa mauti, Akaivunja minyororo yao.

¹⁵Na wamshukuru BWANA kwa fadhili zake, Na maajabu yake kwa wanadamu.

¹⁶⑯ Maana ameivunja milango ya shaba, Ameyakata mapingo ya chuma.

¹⁷⑰ Wapumbavu, kwa sababu ya ukosaji wao, Na kwa sababu ya maovu yao, hujitesa.

¹⁸Nafsi zao zachukia kila namna ya chakula, Wameyakaribia malango ya mauti.

¹⁹Wakamlilia BWANA katika dhiki zao, Akawaponya kutoka kwa shida zao.

²⁰⑱ Hulituma neno lake, huwaponya, Huwatoa katika maangamizo yao.

²¹Na wamshukuru BWANA kwa fadhili zake, Na maajabu yake kwa wanadamu.

²²⑲ Na wamtolee dhabihu za kushukuru, Na kuyasimulia matendo yake kwa kuimba.

²³Washukao baharini katika merikebu, Wafanyao kazi yao katika maji mengi,

²⁴Hao huziona kazi za BWANA, Na maajabu yake vilindini.

²⁵Maana alisema, akavumisha upepo wa dhoruba, Ukayainua juu mawimbi ya bahari.

²⁶⑳ Walirushwa juu mbinguni, waliteremka hadi vilindini, Uhodari wao ukayeyuka katika maafa yao.

²⁷Waliyumbayumba, walipepesuka kama mlevi, Ujuzi wao wote uliwaishia.

²⁸Wakamlilia BWANA katika dhiki zao, Akawaponya kutoka kwa shida zao.

²⁹ Huituliza dhoruba, ikawa shwari, Mawimbi yake yakanyamaza.

³⁰Ndipo walipofurahi kwa kuwa yametulia Naye akawaleta mpaka bandani waliyoitamani.

³¹Na wamshukuru BWANA kwa fadhili zake, Na maajabu yake kwa wanadamu.

³²Na wamtukuze katika kusanyiko la watu, Na wamhimidi katika baraza la wazee.

³³ Amegeuza mito ikawa jangwa, Na chemchemi za maji zikawa nchi kavu.

³⁴ Nchi ya matunda mengi ikawa uwanda wa chumvi, Kwa sababu ya uovu wa wakazi wake.

³⁵ Amegeuza jangwa ikawa ziwa la maji, Na nchi kavu ikawa chemchemi za maji.

³⁶ Maana amewakalisha huko wenye njaa, Nao wamejenga mji wa kukaa.

³⁷Wakapanda mbegu katika mashamba, Na kutia mizabibu iliyotoa matunda yake.

³⁸ Naye aliwabariki wakaongezeka sana, Wala hawapunguzi mifugo wao.

³⁹ Walipopungua na kudhilika, Kwa kuonewa na dhiki na huzuni.

⁴⁰Aliwamwagia wakuu dharau, Na kuwazungusha katika nyika isiyo na njia.

⁴¹ Lakini alimwinua mhitaji juu mbali na mateso, Na kuwaongeza jamaa zao kama kundi la kondoo.

⁴² Wanyofu wa moyo wanaona na kufurahi, Na waovu wote wananyamazishwa.

⁴³ Aliye na hekima na ayaangalie hayo; Na wazitafakari fadhili za BWANA.