Read Swahilli Zaburi 113 Bible Online

Zaburi 113 - Swahilli bible

Zaburi 113

¹Haleluya. Enyi watumishi wa BWANA, sifuni, Lisifuni jina la BWANA.

² Jina la BWANA lihimidiwe Tangu leo na hata milele.

³ Toka maawio ya jua hata machweo yake Jina la BWANA husifiwa.

⁴BWANA ni mkuu juu ya mataifa yote, Na utukufu wake ni juu ya mbingu.

⁵Ni nani aliye mfano wa BWANA, Mungu wetu aketiye juu;

⁶ Anyenyekeaye kutazama, Mbinguni na duniani?

⁷ Humwinua mnyonge kutoka mavumbini, Na kumpandisha maskini kutoka jaani.

⁸ Ili amketishe pamoja na wakuu, Pamoja na wakuu wa watu wake.

⁹ Humweka nyumbani mwanamke aliye tasa, Awe mama ya watoto mwenye furaha.