Read Swahilli Zaburi 122 Bible Online

Zaburi 122 - Swahilli bible

Zaburi 122

¹ Nilifurahi waliponiambia, Twende nyumbani kwa BWANA.

²Miguu yetu imesimama Ndani ya malango yako, Ee Yerusalemu.

³ Ee Yerusalemu uliyejengwa Kama mji ulioshikamana,

⁴ Huko ndiko wapandako kabila, makabila ya BWANA; Kama ulivyowaamuru Waisraeli, Walishukuru jina la BWANA.

⁵Maana huko viliwekwa viti vya hukumu, Viti vya enzi vya ukoo wa Daudi.

⁶ Uombeeni Yerusalemu amani; Na wafanikiwe wakupendao;

⁷Amani na ikae ndani ya kuta zako, Na kufanikiwa ndani ya majumba yako.

⁸Kwa ajili ya ndugu zangu na rafiki zangu Niseme sasa, Amani ikae nawe.

⁹Kwa ajili ya nyumba ya BWANA, Mungu wetu, Nitakuombea mema.