Read Swahilli Zaburi 144 Bible Online

Zaburi 144 - Swahilli bible

Zaburi 144

¹② Na ahimidiwe BWANA, mwamba wangu, Aifundishaye mikono yangu vita, Na vidole vyangu kupigana.

²Mwamba[22] wangu na ngome yangu, Nguzo yangu na mwokozi wangu Ngao yangu ninayemkimbilia, Huwatiisha watu wangu chini yangu.

³③ Ee BWANA, mtu ni kitu gani hata umjali? Na binadamu hata umwangalie?

⁴Binadamu ni kama ubatili, Siku zake ni kama kivuli kipitacho.

⁵④ Ee BWANA, uziinamishe mbingu zako, ushuke chini. Uiguse milima ili nayo itoe moshi.

⁶Utupe umeme, uwatawanye, Uipige mishale yako, uwafadhaishe.

⁷⑤ Uinyoshe mikono yako toka juu, uniponye, Unitoe katika maji mengi, kutoka kwa mkono wa wageni,

⁸Vinywa vyao vinasema visivyofaa, Na ambao mikono yao ya kulia ni ya uongo.

⁹⑥ Ee Mungu, nitakuimbia wimbo mpya, Kwa kinanda chenye nyuzi kumi nitakuimbia.

¹⁰Awapaye wafalme wokovu, Amwokoa Daudi, mtumishi wake, na upanga wa uovu.

¹¹Uniponye, unitoe, Katika mkono wa wageni. Vinywa vyao vyasema visivyofaa, Na mkono wao wa kulia ni mkono wa uongo.

¹²Wavulana wetu wakiwa ujanani wawe kama miche Iliyostawi kikamilifu. Binti zetu wawe kama nguzo za pembeni Zilizochongwa[23] ili kupamba kasri.[24]

¹³Ghala zetu na zijae Zenye akiba za jinsi zote. Kondoo zetu na wazae Elfu na makumi elfu mashambani mwetu.

¹⁴⑦ Ng'ombe wetu na wabebe mizigo mizito, Kusiwe na kushambuliwa. Wala kusiwe na kuhamishwa, Wala malalamiko katika njia zetu.

¹⁵⑧ Heri watu wenye hali hiyo, Heri watu wenye BWANA kuwa Mungu wao.