Read Swahilli Zaburi 149 Bible Online

Zaburi 149 - Swahilli bible

Zaburi 149

¹ Haleluya. Mwimbieni BWANA wimbo mpya, Sifa zake katika kusanyiko la watauwa.

² Israeli na amfurahie Yeye aliyemwumba, Wana wa Sayuni na wamshangilie mfalme wao.

³Na walisifu jina lake kwa kucheza, Kwa sauti tamu ya matari na kinubi.

⁴ Kwa kuwa BWANA awaridhia watu wake, Huwapamba wenye upole kwa wokovu.

⁵Watauwa na waushangilie utukufu, Waimbe kwa sauti kuu vitandani mwao.

⁶ Sifa kuu za Mungu na ziwe vinywani mwao, Na upanga mkali kuwili mikononi mwao.

⁷Ili kufanya kisasi juu ya mataifa, Na adhabu juu ya makabila ya watu.

⁸Wawafunge wafalme wao kwa minyororo, Na wakuu wao kwa pingu za chuma.

⁹ Kuwafanyia hukumu iliyoandikwa; Hiyo ndiyo heshima ya watauwa wake wote. Haleluya.