Read Swahilli Zaburi 83 Bible Online

Zaburi 83 - Swahilli bible

Zaburi 83

¹Ee Mungu, usistarehe, Ee Mungu, usinyamae, wala usitulie.

²⑧ Maana adui zako wanafanya ghasia, Nao wakuchukiao wameviinua vichwa vyao.

³⑩ Juu ya watu wako wanafanya hila, Na kushauriana juu yao uliowaficha.

⁴⑪ Wamesema, Njoni, tuwakatilie mbali wasiwe taifa, Na jina la Israeli halitakumbukwa tena.

⁵Maana wanashauriana kwa moyo mmoja, Juu yako wanafanyana agano.

⁶Hema za Edomu, na Waishmaeli, Na Moabu, na Wahagari,

⁷Gebali, na Amoni, na Amaleki, Na Filisti, nao wanaokaa Tiro,

⁸Ashuri naye amepatana nao, Wamewasaidia wana wa Lutu.

⁹⑫ Uwatende kama ulivyowatenda Midiani, Sisera, Na Yabini, penye kijito cha Kishoni.

¹⁰Ambao waliangamizwa Endori; Wakawa samadi juu ya nchi.

¹¹⑬ Uwafanye wakuu wao kama Orebu na Zeebu, Na wakuu wao wote kama Zeba na Zalmuna.

¹²Ambao Walisema, Na tutamalaki makao ya Mungu.

¹³Ee Mungu, uwafanye kama mavumbi ya kisulisuli, Kama ya makapi mbele ya upepo,

¹⁴Kama moto uteketezao msitu, Kama miali ya moto iiwashayo milima,

¹⁵Ndivyo utakavyowafuatia kwa tufani yako, Na kuwafadhaisha kwa dhoruba yako.

¹⁶Uzijaze nyuso zao fedheha; Ili wapate kulitafuta jina lako, Ee BWANA.

¹⁷Waaibike, wafadhaike milele, Naam, watahayarike na kupotea.

¹⁸Wajue ya kuwa Wewe, uitwaye jina lako YEHOVA, Ndiwe peke yako Uliye Juu, juu ya nchi yote.