Read Swahilli Mithali 10 Bible Online

Mithali 10 - Swahilli bible

Mithali 10

¹Mwana mwenye hekima humfurahisha babaye; Bali mwana mpumbavu ni mzigo wa mamaye.

²⑦ Hazina za uovu hazifaidii kitu; Bali haki huokoa na mauti.

³⑧ BWANA hataiacha nafsi ya mwenye haki ife na njaa; Bali tamaa ya mtu mwovu huisukumia mbali.

⁴⑩ Atendaye mambo kwa mkono mlegevu huwa maskini; Bali mkono wake aliye na bidii hutajirisha.

⁵Akusanyaye wakati wa joto ni mwana mwenye hekima; Bali asinziaye wakati wa mavuno ni mwana mwenye kuaibisha.

⁶⑪ Baraka humkalia mwenye haki kichwani; Bali jeuri hufunika kinywa chake mtu mwovu.

⁷⑫ Kuwakumbuka wenye haki huwa na baraka; Bali jina la mtu mwovu litaoza.

⁸Aliye na akili moyoni mwake atapokea agizo; Bali mpumbavu mwenye maneno mengi ataanguka.

⁹⑬ Aendaye kwa unyofu huenda salama; Bali apotoshaye njia zake atajulikana.

¹⁰Akonyezaye kwa jicho huleta masikitiko; Bali mpumbavu mwenye maneno mengi ataanguka.

¹¹⑭ Kinywa chake mwenye haki ni chemchemi ya uzima; Bali jeuri hufunika kinywa chake mtu mwovu,

¹²⑮ Kuchukiana huleta fitina; Bali kupendana husitiri makosa yote.

¹³⑯ Hekima hupatikana midomoni mwa mwenye ufahamu; Bali fimbo hufaa kwa mgongo wake asiye na ufahamu.

¹⁴Watu wenye akili huweka akiba ya maarifa; Bali kinywa cha mpumbavu ni uangamivu ulio karibu.

¹⁵⑰ Mali ya tajiri ndio ngome yake; Ufukara wa maskini ndio umwangamizao.

¹⁶Kazi yake mwenye haki huuelekea uzima; Mazao ya wabaya huielekea dhambi.

¹⁷Akubaliye kurudiwa huwa katika njia ya uzima; Bali yeye aachaye maonyo hukosa.

¹⁸Yeye afichaye chuki ana midomo ya uongo, Na yeye asingiziaye ni mpumbavu.

¹⁹⑱ Katika wingi wa maneno hapakosi kuwa na maovu; Bali yeye azuiaye midomo yake hufanya akili.

²⁰Ulimi wa mwenye haki ni kama fedha safi; Moyo wa mtu mbaya haufai kitu.

²¹Midomo ya mwenye haki hulisha watu wengi; Bali wapumbavu hufa kwa kuwa hawana ufahamu.

²²⑲ Baraka ya BWANA hutajirisha, Wala hachanganyi huzuni nayo.

²³Kwa mpumbavu kutenda maovu ni kama mchezo; Bali mtu mwenye ufahamu ana hekima.

²⁴⑳ Aogopacho mtu asiye haki ndicho kitakachomjilia; Na wenye haki watapewa matakwa yao.

²⁵ Kisulisuli kikiisha pita asiye haki hayuko tena; Bali mwenye haki ni msingi wa milele.

²⁶Kama siki menoni, na kama moshi machoni, Ndivyo alivyo mtu mvivu kwa hao waliomwajiri.

²⁷ Kumcha BWANA kwaongeza siku za mtu; Bali miaka yao wasio haki itapunguzwa.

²⁸ Matumaini yao wenye haki yatakuwa furaha; Bali matarajio yao wasio haki yatapotea.

²⁹ Njia ya BWANA ni kimbilio lake mtu mkamilifu; Bali ni uharibifu kwao watendao maovu.

³⁰Mwenye haki hataondolewa milele; Bali wasio haki hawatakaa katika nchi.

³¹Kinywa cha mwenye haki hutoa hekima; Bali ulimi wa ukaidi utakatiliwa mbali.

³²Midomo ya mwenye haki huyajua yatakayokubaliwa; Bali kinywa chao wasio haki hunena ukaidi.