Read Swahilli Mithali 3 Bible Online

Mithali 3 - Swahilli bible

Mithali 3

¹ Mwanangu, usiisahau sheria yangu, Bali moyo wako uzishike amri zangu.

²Maana zitakuongezea wingi wa siku. Na miaka ya uzima, na amani.

³① Rehema na kweli zisiachane nawe; Zifunge shingoni mwako; Ziandike juu ya kibao cha moyo wako.

⁴② Ndivyo utakavyopata kibali na akili nzuri, Mbele za Mungu na mbele ya mwanadamu.

⁵③ Mtumaini BWANA kwa moyo wako wote, Wala usizitegemee akili zako mwenyewe;

⁶④ Katika njia zako zote mkiri yeye, Naye atayanyosha mapito yako.

⁷⑤ Usiwe na hekima machoni pako; Mche BWANA, ukajiepushe na uovu.

⁸Itakuwa afya mwilini pako,[1] Na mafuta mifupani mwako.

⁹⑥ Mheshimu BWANA kwa mali yako, Na kwa malimbuko ya mazao yako yote.

¹⁰⑦ Ndipo ghala zako zitakapojazwa kwa wingi, Na vyombo vyako vitafurika divai mpya.

¹¹⑧ Mwanangu, usidharau kuadhibiwa na BWANA, Wala usione ni taabu kurudiwa naye.

¹²⑩ Kwa kuwa BWANA ampendaye humrudi, Kama vile baba mwanawe ampendezaye.

¹³Heri mtu yule aonaye hekima, Na mtu yule apataye ufahamu.

¹⁴⑪ Maana biashara yake ni bora kuliko biashara ya fedha, Na faida yake ni nyingi kuliko dhahabu safi.

¹⁵⑫ Yeye ana thamani kuliko marijani, Wala vyote uvitamanivyo havilingani naye.

¹⁶⑬ Ana wingi wa siku katika mkono wake wa kulia, Utajiri na heshima katika mkono wake wa kushoto.

¹⁷⑭ Njia zake ni njia za kupendeza sana, Na mapito yake yote ni amani.

¹⁸⑮ Yeye ni mti wa uzima kwao wamshikao sana; Ana heri kila mtu anayeshikamana naye.

¹⁹⑯ Kwa hekima BWANA aliiweka misingi ya nchi; Kwa akili zake akazifanya mbingu imara;

²⁰⑰ Kwa maarifa yake vilindi viligawanyika; Na mawingu yadondoza umande.

²¹Mwanangu, yasiondoke haya machoni pako, Shika hekima kamili na busara.

²²Basi yatakuwa uzima kwa nafsi yako, Na neema shingoni mwako.

²³Ndipo utakapokwenda katika njia yako salama, Wala mguu wako hautakwaa.

²⁴⑱ Ulalapo hutaona hofu; Naam, utalala na usingizi wako utakuwa mtamu.

²⁵Usiogope hofu ya ghafla, Wala uharibifu wa waovu utakapofika.

²⁶Kwa kuwa BWANA atakuwa tumaini lako, Naye atakulinda mguu wako usinaswe.

²⁷⑲ Usiwanyime watu mema yaliyo haki yao, Ikiwa katika uwezo wa mkono wako kuyatenda.

²⁸⑳ Usimwambie jirani yako, Nenda, urudi halafu, na kesho nitakupa; Nawe unacho kitu kile karibu nawe.

²⁹Usiwaze mabaya juu ya jirani yako, Ambaye anakaa karibu nawe na kujiona salama.

³⁰ Usishindane na mtu bila sababu, Ikiwa hakukudhuru kwa lolote.

³¹Usimhusudu mtu mwenye ujeuri, Wala usiichague mojawapo ya njia zake.

³²Maana mtu mjeuri ni chukizo kwa BWANA, Bali siri yake ni pamoja na wanyofu.

³³ Laana ya BWANA i katika nyumba ya waovu, Bali huibariki maskani ya mwenye haki.

³⁴ Hakika yake huwadharau wenye dharau, Bali huwapa wanyenyekevu neema.

³⁵ Wenye hekima wataurithi utukufu, Bali kukuzwa kwa wapumbavu ni fedheha.