Read Swahilli Waraka kwa Waebrania 3 Bible Online

Waraka kwa Waebrania 3 - Swahilli bible

Waraka kwa Waebrania 3

¹ Kwa hiyo, ndugu watakatifu, wenye kuushiriki mwito wa mbinguni, mtafakarini sana Mtume na Kuhani Mkuu wa maungamo yetu, Yesu,

² aliyekuwa mwaminifu kwake yeye aliyemweka, kama Musa naye alivyokuwa, katika nyumba yote ya Mungu.

³Kwa maana huyo amehesabiwa kuwa amestahili utukufu zaidi kuliko Musa, kama vile yeye aitengenezaye nyumba alivyo na heshima zaidi ya hiyo nyumba.

⁴Maana kila nyumba imetengenezwa na mtu; ila yeye aliyevitengeneza vitu vyote ni Mungu.

⁵① Na Musa kweli alikuwa mwaminifu katika nyumba yote ya Mungu kama mtumishi, awe ushuhuda wa mambo yatakayonenwa baadaye;

⁶② bali Kristo, kama mwana, juu ya nyumba ya Mungu; ambaye nyumba yake ni sisi, kama tukishikamana sana na ujasiri wetu na fahari ya tumaini letu mpaka mwisho.

⁷③ Kwa hiyo, kama anenavyo Roho Mtakatifu, Leo, kama mkisikia sauti yake,

⁸④ Msifanye mioyo yenu kuwa migumu, Kama wakati wa kuasi, Siku ya kujaribiwa katika jangwa,

⁹Hapo baba zenu waliponijaribu, wakanipima, Wakaona matendo yangu miaka arubaini.

¹⁰Kwa hiyo nilichukizwa na kizazi hiki, Nikasema, Sikuzote ni watu waliopotoka mioyo hawa; Hawakuzijua njia zangu;

¹¹⑤ Kama nilivyoapa kwa hasira yangu, Hawataingia rahani mwangu.

¹²Hadharini, ndugu zangu, usiwepo katika mmoja wenu moyo mbovu wa kutoamini, ujitengao na Mungu aliye hai.

¹³⑥ Lakini mwonyane kila siku, maadamu inaitwa leo; ili mmoja wenu asifanywe mgumu kwa udanganyifu wa dhambi.

¹⁴⑦ Kwa maana tumekuwa washirika wa Kristo, kama tukishikamana na mwanzo wa uthabiti wetu kwa nguvu mpaka mwisho;

¹⁵⑧ kama inenwavyo, Leo, kama mkisikia sauti yake, Msifanye mioyo yenu kuwa migumu, Kama wakati wa kuasi.

¹⁶⑩ Maana ni akina nani walioasi, waliposikia? Si wale wote waliotoka Misri wakiongozwa na Musa?

¹⁷⑪ Tena ni akina nani aliochukizwa nao miaka arubaini? Si wale waliokosa, ambao mizoga yao ilianguka katika jangwa?

¹⁸⑫ Tena ni akina nani aliowaapia ya kwamba hawataingia katika pumziko lake, ila wale walioasi?

¹⁹Basi twaona ya kuwa hawakuweza kuingia kwa sababu ya kutoamini kwao.