Read Swahilli Zaburi 6 Bible Online

Zaburi 6 - Swahilli bible

Zaburi 6

¹Bwana, usinikemee kwa hasira yako, Wala usinirudi kwa ghadhabu yako.

²Bwana, unifadhili, maana ninanyauka; Bwana, uniponye, mifupa yangu imefadhaika.

³Na nafsi yangu imefadhaika sana; Na Wewe, Bwana, hata lini?

⁴Bwana urudi, uniopoe nafsi yangu, Uniokoe kwa ajili ya fadhili zako.

⁵Maana mautini hapana kumbukumbu lako; Katika kuzimu ni nani atakayekushukuru?

⁶Nimechoka kwa kuugua kwangu; Kila usiku nakieleza kitanda changu; Nalilowesha godoro langu kwa machozi yangu.

⁷Jicho langu limeharibika kwa masumbufu, Na kuchakaa kwa sababu yao wanaoniudhi.

⁸Ondokeni kwangu, ninyi nyote mtendao uovu; Kwa kuwa Bwana ameisikia sauti ya kilio changu.

⁹Bwana ameisikia dua yangu; Bwana atayatakabali maombi yangu.

¹⁰Adui zangu wote wataaibika na kufadhaika, Watarudi nyuma, kwa ghafula wataaibika.