Read TAITA BIBLE – Biblia Ilagho Jiboie Kwa Wandu Wose 1 MALAGHO GHA NGELO 7 Bible Online

1 MALAGHO GHA NGELO 7 - TAITA BIBLE – Biblia Ilagho Jiboie Kwa Wandu Wose bible

1 MALAGHO GHA NGELO 7

¹Wana wa Isakari ni bana nawo ni: Tola, Pua, Jashubu, na Shimroni.

²Tola orekoghe na wana warandadu: Uzi, Refaia, Jerieli, Jahima; Ibsamu, na Shemueli, nawo niwo werekoghe wabaa wa kinyumba cha Tola. Ni wandu werekoghe mang'oni gha wuda. Matuku gha mzuri Daudi mtalo ghwawo ghorekoghe wandu elfu mirongo iwi na iwi na maghana arandadu.

³Uzi odeeva mwana umweri, Izrahia. Wana wa Izrahia ni bana, Mikaeli, Obadia, Joeli, na Ishia; wose werekoghe wandu wabaa.

⁴Werekoghe na waka wengi na wana wengi. Wikakaia na ijeshi ibaa kufumanya na kichuku cha mzawo, wandu elfu mirongo idadu na warandadu.

⁵Mtalo ghwa wandu wa kichuku cha nyumba ya Isakari werekoghe elfu mrongo wunyanya na mfungade wiko mang'oni gha wuda.

⁶Benjamini orekoghe na wana wadadu: Bela, Becheri, na Jadiaeli.

⁷Bela orekoghe na wana wasanu: Ezboni Uzi, Uzieli, Jerimothi, na Iri. Werekoghe wabaa wa kinyumba cha kwawo, mang'oni gha wuda; wikaandikishwa kwa vichuku wandu elfu mirongo iwi na mirongo idadu na bana.

⁸Becheri orekoghe na wana ikenda: Zemira, Joashi, Eliezeri, Elioenai, Omri, Jeremothi, Abija, Anathothi na Alemethi.

⁹Mtalo ghwa wandu wa kivalwa chawo mang'oni gha wuda; werekoghe wandu elfu mirongo iwi na maghana awi.

¹⁰Jedieli odeeka na mwana umweri; Bilhani. Bilhani orekoghe na wana mfungade: Jerusha, Benjamini, Ehudi, Chenaana, Zethani, Tarshishi, na Ahishahari.

¹¹Awa wose werekoghe wabaa wa vinyumba vawo; mang'oni gha wuda. Mtalo ghwawo ghorekoghe wandu elfu ikumi na mfungade na maghana awi.

¹²Shupimu na Hupimu werekoghe wana wa Iri, na Hushimu orekoghe mwana wa Dani.

¹³Naftali orekoghe na wana bana: Jahizeeli, Guni, Jezeri na Shalumu. (Werekoghe kivalwa cha Bilha.)

¹⁴Manase orekoghe na wana wawi uvailo ni muka Muaramu; Asirieli na Makiri. Makiri ndee ni Gileadi.

¹⁵Makiri ukawilowora waka Hupimu na Shupimu. Mruna wa waka orewangwagha Maaka. Mruna wa kawi orewangwagha Selofehadi; Selofehadi odeeva wana wa waka waduu.

¹⁶Nao Maaka mka-Makiri ukava wana wawi: wikawiwanga Pereshi na Shereshi. Pereshi ukava wana wawi: Ulamu na Rakemu.

¹⁷Ulamu ukamva Bedani. Icho ni kivalwa cha Gileadi mwana wa Makiri wawae Manase.

¹⁸Gileadi mruna wa waka uwangwagha Hamolekethi orevaeghe wana wadadu: Ishihodi, Abiezeri, na Mahla.

¹⁹(Shemida orekoghe na wana bana: Ahiani, Shekemu, Liki na Aniamu.)

²⁰Kivalwa cha Efraimu cherenughaneghe huwu: Shuthela, Beredi, Tahathi, Eleada, Tahathi,

²¹Zabadi na Shuthela. Efraimu orekoghe na wana wamu wawi kula na Shuthela: Ezeri na Eleadi wana wa Efraimu werebwaghiloghe ni waisanga wa Gathi iji wereghendieghe kuiwa ng'ombe rawo.

²²Ndee Efraimu ukawililia matuku mengi na waruna wikacha kumhoresha ngolo.

²³Niko Efraimu ukangia kwa mkake, nao ukapata kifu, ukava mwana, nao ukammbanga Beria; kwa wundu ghwa wasi wighupatire andenyi ya kinyumba chake.

²⁴Efraimu orekoghe na mwai orewangwaghwa Sheera. Sheera ukaagha Beth-horoni ya Isi na ya Lughu, na Uzeni-sheera.

²⁵Efraimu orekoghe na mwana wa womi orewangwagha Refa. Kivalwa chake chikanughana huwu: Refa, Tela, Tahani,

²⁶Ladani, Amihudi, Elishama,

²⁷Nuni, na Joshua.

²⁸Andu werekoghe wikikaia na mali rawo ni Betheli na mizi yaro, Naaramu cha mashariki, na Gezeri kukakaia cha magharibi chiaimweri na mizi yaro, wokoni wikachuria Shekemu na mizi yaro na Aya na mizi yaro.

²⁹Kichuku cha Manase cherewusireghe mizi ya Beth-sheani na mizi yaro, Taanaki na mizi yaro, Megido na mizi yaro na Dori na mizi yaro. Wana wa Josefu mwana wa Israeli, werekoghe wikikaia aho.

³⁰Wana wa Asheri ni awa: Imna, Ishira, Isvi, Beria, na mruna wa waka Sera.

³¹Wana wa Beria ni wawi: Heberi na Malkieli. (Malkieli nuo uzoe muzi ghwa Birzaithi.)

³²Heberi orevivaeghe Jafuleti, Shomeri, Hothamu na mruna wa waka Shua.

³³Wana wa Jafuleti ni wadadu: Pasaki, Bimhali, na Ashrathi.

³⁴Wana wa mruna Shemeri ni: Rohga, Jehuda, na Aramu.

³⁵Wana wa mruna Helemu ni: Sofa, Imna, Shelethi, na Amali.

³⁶Wana wa Sofa ni: Sua, Harneferi, Shuali, Beri, Ima,

³⁷Bezeri, Hodi, Shamam Shilsha, Ithirani, na Beera.

³⁸Wana wa Jetheri ni: Jefune, Pispa, na Ara.

³⁹Wana wa Ula ni: Ara, Hanieli, na Risia.

⁴⁰Awa wose werekoghe kivalwa cha Asheri; wabaa wa kichuku chawo wikumikie kwa wuda. Mtalo ghwawo ghose seji wereandikiloghe werekoghe wandu elfu mirongo iwi na irandadu.