Read TAITA BIBLE – Biblia Ilagho Jiboie Kwa Wandu Wose NEHEMIA 12 Bible Online

NEHEMIA 12 - TAITA BIBLE – Biblia Ilagho Jiboie Kwa Wandu Wose bible

NEHEMIA 12

¹Agha nigho marina gha wakohani na Walawi werewurieghe kufuma wubarishonyi na Zerubabeli na mwana wa Shealtieli, na Mkohani M'baa Jeshua: Seraia, na Jeremia, na Ezra,

²Amaria, Maluki, na Hatushi,

³Shekami, Rehumu, Meremothi,

⁴Ido, Ginethoni, Abija,

⁵Mijamini, Moadia, Biliza,

⁶Shemaia, Joiaribu, Jedaia,

⁷Salu, Amoku, Hilkia, na Jedaia. Awa werekoghe wakohani wabaa, na wabaa wa waruna ngelo ya Mkohani M'baa Jeshua.

⁸Walawi ni awa: Jeshua, Binui, Kadmieli, Sherebia, Juda, na wokoni Matania; uo chiaimweri na waruna, werekoghe wazighaniri wa chumbo refunya chwawucha.

⁹Bakbukia na Uni chiaimweri na waruna, werekaieghe kimusi kulangayana nawo ngelo ya wutasi.

¹⁰Jeshua orekoghe ndee wa Joiakimu, na Joiakimu orekoghe ndee wa Eliashibu, na Eliashibu orekoghe ndee wa Joiada,

¹¹na Joiada orekoghe wa Jonathani, na Jonathani orekoghe ndee wa Jaddua.

¹²Ngelo ra Mkohani M'baa Joiakimu, wakohani werekoghe wabaa wa vichuku vawo ni awa: mkohani wa kichuku cha Seraia, ni Meraia; wa kichuku cha Jeremia, ni Hanania;

¹³wa kichuku cha Ezra, ni Meshulamu; wa kichuku cha Amaria, ni Jehohanani;

¹⁴wa kichuku cha Maluki, ni Jonathani; wa kichuku cha Shekani, ni Josefu;

¹⁵wa kichuku cha Harimu, ni Adna; wa kichuku cha Meremothi ni Helkai;

¹⁶wa kichuku cha Ido, ni Zekaria; wa kichuku cha Ginethoni, ni Meshulamu;

¹⁷wa kichuku cha Abija, ni Zikri; wa kichuku cha Miniamini, na cha Moadia, ni Piltai;

¹⁸wa kichuku cha Bilga, ni Shamua; wa kichuku cha Shemaia ni Jehonathani;

¹⁹wa kichuku cha Joiaribu, ni Matenai; wa kichuku cha Jedaia, ni Uzi;

²⁰wa kichuku cha Salu, ni Kalai; wa kichuku cha Amoku, ni Eberi;

²¹wa kichuku cha Hilkia, ni Hashabia; wa kichuku cha Jedaia, ni Nethaneli.

²²Matuku gha Wakohani Wabaa Eliashibu, Joiada, Johanani, na Jadua vinyumba va Walawi na wakohani vereandikiloghe na kumerelwa ngelo Mzuri Dario orekoghe ukibonya nguma Pashia.

²³Wabaa wa vichuku va Lawi, vereandikiloghe andenyi ya Chuo cha Malagho gha Ngelo hata matuku gha Johanani mwana wa Eliashibu.

²⁴Kunughana na wulongozi ghwa Hashabia, Sherebia, na Jeshua mwana wa Kadmieli, Walawi werewaghiloghe waruna mafungu awi, wimkaseghe na kumfunyiragha chawucha Mlungu kwa mazughe sa iji koni werelaghiriloghe ni Daudi uo mundu wa Mlungu.

²⁵Matania, Bakbukia, Obadia, Meshulamu, Talmoni, na Akubu werekoghe walindiri wa mbenge wikilindia nyumba ra stoo mbengenyi ra Hekalu.

²⁶Wandu awa werekaieghe matuku gha Mkohani M'baa Joiakimu mwana wa Jeshua wawae Jehosadaki, na Nehemia m'baa wa isanga, na Ezra mkohani na mwalimu wa Sharia.

²⁷Ngelo ya kughuwika wurigha ghwa muzi ghwa Jerusalemu wakfu, werewilolieghe na kuwireda Walawi Jerusalemu kufuma andu kose werekoghe wikikaia wichebonya ndima ewika wurigha wakfu kwa kuboilwa, na kufunya chawucha, na kubora kwa kayamba, na kinubi, na zeze.

²⁸Wabori wikakwana kufuma mbai-mbai ya Jerusalemu, na kufuma mbai mbai ya mizi mitini Netofa,

²⁹na kufuma Beth-gilgali, na chia ra geba na Azmawethi, angu wabori wereaghieghe mizi mitini-mitini mbai mbai ya Jerusalemu.

³⁰Wakohani na Walawi wikakuelesha weni, na kuwielesha wandu, na mbenge ra wurigha.

³¹Niko ngavikwanya vilongozi va Juda aighu wurighenyi, ngavibonya wikaie wazighaniri wa mafungu awi mabaa gha wandu, wimareghe aighu ya wurigha wikimfunyira Mlungu chawucha. Ifungu ja imbiri jikaghenda mkonu ghwa kiwomi aighu ya wurigha ichia cha Mbenge ya Wuchafu.

³²Wikanughwa ni Hoshaia na nusu ya vilongozi va Juda,

³³na Azaria, Ezra, Meshulamu,

³⁴Juda, Benjamini, Shemaia na Jeremia,

³⁵chiaimweri na wakohani wamu wiko na tarumbeta; na wokoni Zekaria mwana wa Jonathani, wawae Shemaia mwana wa Metania, na Mika, na Zakuri, na Asafu;

³⁶wikanughwa ni wamzawo wamu, Shemaia, Azareli, Milalia, Gilalai, Maai, Nethaneli, Juda, na Hanani; wose wiko na vombo vebora sa va Daudi mundu wa Mlungu. Ezra uo mwalimu wa Shraia ukawilongoza.

³⁷Wiendavika Mbenge ya Ndoria, wikajoka na viluwatiro vejoka cha muzi ghwa Daudi; wikaida ngome ya Daudi na kuwuya cha Mbenge ya Machi iichia cha mashariki ya muzi.

³⁸Ifungu ja kawi ja wandu werekoghe wikifunya chawucha jereghendieghe chia ya mkonu ghwa kiwaka aighu wurighenyi; nani ngawinugha na nusu ya wandu. Dikaghenda na kuida Mnara ghwa Mariko hata Wurigha Mshapa,

³⁹na kufuma aho, dikaida Mbenge ya Efraimu, na Mbenge ya Kala, na Mbenge ya Samaki, na Mnara ghwa Hananeli na Mnara ghwa Ighana hata Mbenge ya Ng'ondi; nawo wikacha na kukaia kimusi aho Mbenge ingiagha Hekalunyi,

⁴⁰Kwa huwo mafungu ghose gha awo werekoghe wikifunya chawucha wikakaia kimusi Hekalunyi chiaimweri nani na nusu ya wabaa.

⁴¹Ifungu japo jerekoghe na wakohani awa: Eliakimu, Maaseia, Miniamini, Mikaia na Elibenai, Zekaria na Shemaia,

⁴²Wokoni Maaseia, Shemaia, Eleazari, Uzi, Jehohanani, Malkija, Elamu, na Ezeri. Wabori wikabora wikilongozwa ni Jezrahia.

⁴³Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

⁴⁴Ngelo iyo, wandu werewikiloghe wikaie wazighaniri wa stoo; andu mafunyo kwa wundu ghwa Hekalu gherewikwagha, chiaimweri na ifungu ja ikumi, na mavalo gha imbiri gha viro na matunda ghiwurue gha kula mwaka. Wandu awo niwo werewikiloghe wewada vilambo kufuma mbuwenyi riko kaavui na mizi kwa wundu ghwa wakohani na Walawi sa iji sharia ighoragha. Wandu wose wa Juda wereboiloghe ni wakohani na Walawi,

⁴⁵angu werebonyagha wutasi ghwa kukuelesha na mizango mizima erewikiloghe ni Mlungu. Wabori wa Hekalunyi na Walindiri wa Hekalu wikabonya agho gherelaghiriloghe ni Daudi na mwana wake Solomoni.

⁴⁶Kufuma matuku gha Mzuri Daudi na Asafu wa kala, uo orekoghe kilongozi cha wabori, wandu werekoghe wikilongoza chumbo remkasa na kumneka Mlungu chawucha.

⁴⁷Na ngelo ya matuku gha Zerubabeli na matuku gha Nehemia, wandu wose wa Israeli werekoghe wikifunya mafunyo kula ituku kwa wundu ghwa wabori na walindiri wa Hekalu. Wandu wikafunya ifungu ja Walawi na Walawi wikawagha ijo ifungu jerefwaneghe kwa wundu ghwa wakohani.