Read TAITA BIBLE – Biblia Ilagho Jiboie Kwa Wandu Wose KUFUMA 37 Bible Online

KUFUMA 37 - TAITA BIBLE – Biblia Ilagho Jiboie Kwa Wandu Wose bible

KUFUMA 37

¹Bezaleli ukabonya Sanduku ya Ilaghano kwa mudi ghwa mgoleka; wulacha ghwaro sentimeta ighana na ikumi, na wushapa ghwaro sentimeta mirongo irandadu na irandadu, na wuighu ghwaro, sentimeta mirongo irandadu na irandadu.

²Ukaikanda dhahabu ielie shighadi na nandenyi wori. Ukaibonyera mkele ghwa dhahabu ghuimare chia rose.

³Ukabonya pete inya rewadia ra dhahabu, na kurikomeria maghunyi ghake ana. Pete iwi kwa maghu gha ii chia, na pete iwi kwa maghu gha ii chia.

⁴Ukabonya midi ya mgholeka ejiduka, ukaishinga dhahabu,

⁵na kuingira andenyi ya iro pete riko kula luwaru lwa Sanduku.

⁶Ukabonya kifuniko cha dhahabu wulacha ghwaro sentimeta ighana na ikumi, na wushapa ghwaro sentimeta mirongo irandadu na irandadu.

⁷Ukachana fwana iwi ra makerubi ra dhahabu, na kurikakadishira kutuonyi kuwi kwa icho kifuniko.

⁸Kerubi umu kutua kwa ii chia na kerubi umu kutua kwa ii chia; wikawuya kindo chimweri na kifuniko.

⁹Agho makerubi ghikaghorua mawawa ghawo ghikilangayana aighu ya icho kifuniko, na kuchibonyera kiju; mawushu ghawo ghikizighana icho kifuniko.

¹⁰Ukabonya meza ya mudi ghwa mgoleka, wulacha ghwaro sentimeta mirongo wunyanya na wunyanya, na wushapa ghwaro sentimeta mirongo ina na inya; na wuighu ghwaro sentimeta mirongo irandadu na irandadu.

¹¹Ukaishinga dhahabu ielie, na kuibonyera mkele ghwa dhahabu kuimara chia rose.

¹²Ukaikabiria m'bau ghuko na wushapa ghwa milimeta mirongo mfungade na isanu kuimara chia rose, ukaghushinga ugho m'bau dhahabu.

¹³Ukaibonyera pete reiduka ra dhahabu, na kurikabiria kwa iro mbembe rake inya, maghunyi kwaro.

¹⁴Iro pete rewadia midi eduka iyo meza rerekabiriloghe kaavui na ugho m'bau.

¹⁵Ukabonya midi eduka ya mudi ghwa mgholeka na kuishinga dhahabu ielie.

¹⁶Ukabonya vilambo va dhahabu vewikirilwa aighu ya iyo meza: sahani raro, na dishi ra marumba, na bakuli raro, na njaghi retumilwa kwa wundu ghwa kizongona chenywa.

¹⁷Wokoni ukabonya kilambo chewikiria taa cha dhahabu ielie. Kishawalata charo cha na ndonyi, na mudi ghwaro ghwa kimusi verechaniloghe va dhahabu. Mapambo gharo gha maua na vishekekero varo na malemba gharo, verechaniloghe vikawuya kilambo chimweri nacho.

¹⁸Korekoghe na mbashu irandadu; mbashu idadu luwaru lwa ii chia, na mbashu idadu luwaru lwa ii chia lwa kilambo chewikiria taa.

¹⁹Kula lumbashu lwa iro irandadu, lorekoghe na mapambo gha maua adadu sa vikombe ghiko sa almondi, ghiwonyeragha malemba gharo na vishekero varo.

²⁰Aighu ya icho kilambo chewikiria taa, korekoghe na vishekero vina viko sa almondi, na maua gharo.

²¹Kula mbashu iwi ra iro irandadu, korekoghe na kishekero kirimbenyi kwaro chiwadanishiro naro.

²²Vishekero, na mbashu, na icho kilambo chewikiria taa verewadanishiroghe chiaimweri, navo verekoghe vachanwa kwa dhahabu ielie.

²³Ukabonya taa mfungade kwa wundu ghwa icho kilambo chewikiria taa, na kilambo cheinja ivu na sahani raro kwa dhahabu ielie.

²⁴Oretumieghe kilo mirongo idadu na isanu ra dhahabu ielie kubonya icho kilambo chewikiria taa chiaimweri na vilambo varo vose.

²⁵Ukabonya madhabahu efukiria marumba kwa mudi ghwa mgholeka. Erebonyeroghe ikatane chia rose, sentimeta mirongo ina na isanu kwa mirongo ina na isanu, na wuighu ghwaro ghorekoghe sentimeta mirongo ikenda; mbembe raro rerewadanishiroghe nayo.

²⁶Oreishingieghe dhahabu ielie naighu kwaro, na chuwarunyi kwaro na mbembe raro wori; ukaibonyera mkele ghwa dhahabu ghuimare chia rose.

²⁷Ukabonya pete iwi ra dhahabu reiduka, na kurikakadishira aisi ya ugho mkele chuwarunyi kwaro, ripate kuwadia ija midi eiduka.

²⁸Ukabonya midi eiduka kwa mudi ghwa mgholeka na kuishinga dhahabu.

²⁹Wokoni ukabonya mavuda gha wueli gheshinga wandu, na marumba ghiranganyiro, ghiboie, ghinukie nicha.