Read TAITA BIBLE – Biblia Ilagho Jiboie Kwa Wandu Wose AYUBU 10 Bible Online

AYUBU 10 - TAITA BIBLE – Biblia Ilagho Jiboie Kwa Wandu Wose bible

AYUBU 10

¹“Nakoja kukaia moyo, nichaghora malalamiko ghapo kuseko kighirio, nichaghighora ngikaia na wasi ngolonyi.

²Nichamzera Mlungu: Kusakenitanya kukaia mkosi; nighorie nabonyere kaung'aki?

³Koowona nicha kunikoronga, na kumenya kuumba kwako, nao kurumirie mipango ya mmbiwi?

⁴Wele oho kooka na meso gha wadamu? Kwadawona seji mdamu uwonagha?

⁵Huwo matuku ghako gheeka mavui sa gha mdamu, angu miaka yako mitini sa ya mdamu?

⁶Kwaki sena oho kulolagha makosa ghapo, na kuizighana kaung'a yapo?

⁷Oho kwawuyamanya wori siwadie ikosa jingi, na sena ndekuwadie mndungi udimagha kunifunya mikonunyi kwako anduangi.

⁸Oho koreniumbieghe, da kuaghaluka sena kunitoteshe?

⁹Manya koonibonya na wongo, da kuaniwunja teri sena?

¹⁰Wele si kwa lukundo lwako na kudima kwako nereamiloghe, ngazoghua andenyi ya kifu cha mao?

¹¹Oho koreniwikirieghe nyama na mrongo, kukaniwadanisha chiaimweri na mighenu na maindi.

¹²Kwaninekie irangi na kuniwonyera lukundo lukatie, na oho kwawuyanilindia.

¹³Ela sena korevisireghe malagho agha ngolonyi kwako; namanya makusudi ghako ghedeeka kunishoghonuo.

¹⁴Ngera nedebonya kaung'a, koniwonagha; hata ndekorenisighagha kusenikabie.

¹⁵Ngakaia na makosa ni bugha kwapo! Ngakaia mhachi, sikukasagha; kwa kukaia nichazighana makorongo ghapo, na kufwa waya.

¹⁶Na iji nakukasa kwa ilagho jingi, kuanidiwa sa shimba; na kuwonyera ndighi rako reobosha kupate kunishoghonua.

¹⁷Kwareda washahidi wawishi weshuhudia aighu yapo, na kuchuria machu ghako aighu yapo; kwareda majeshi mawishi ghelwa nani.

¹⁸“Kwaki oho Mlungu korenibonyagha nivalo? Si baa nerefwagha mndungi useniwonie.

¹⁹Yadakaia nicha ngera nedevalwa nifue kumangu sawonekagha, na kurikwa kaburinyi.

²⁰Matuku ghapo ghedua moyo ndaghaasighwa matinieri? Nisighe nihore katini.

²¹Nalighisa kughenda isanga ja kira kibaa, nisechaawuya sena;

²²isanga ja kira, wasi na mbodo-mbodo, andu mwengere ghuko sa kira.”