Read TAITA BIBLE – Biblia Ilagho Jiboie Kwa Wandu Wose AYUBU 23 Bible Online

AYUBU 23 - TAITA BIBLE – Biblia Ilagho Jiboie Kwa Wandu Wose bible

AYUBU 23

¹Niko Ayubu ukatumbulia,

²“Naawuyalalamikia Mlungu na ndighi woruwuja hata idime; niduaruma, Mlungu wadadua ukinikaba.

³Na wei nadamanya andu uko, nadamghendia ahoeni uko.

⁴Nadamghoria loli, na kukudederia seji nidimagha.

⁵Nadamanya agho utumbuliagha, na kuelelwa ni agho unighoriagha.

⁶Mlungu wadimagha kusimana nani, uko na ndighi ring'ane huwo? Hata; uo wadanisikiria sa iji nighoragha.

⁷Ini neko mloli; nadima kudedanya na Mlungu, unitanye kukaia sine ikosa jingi.

⁸“Namlolie Mlungu cha mashariki ngamsowa; ngamlola cha magharibi, ela simmbonie.

⁹Ukakabonya kazi cha kaskazinyi simmbonagha; ukaghaluka cha kusinyi, sidimagha kummbona.

¹⁰Elaima Mlungu waichi mighendo yapo; ukameria kunitima, nichawoneka nielie sa dhahabu.

¹¹Nadanugha chia yake kwa wuloli ghose, hata na jingi siisighie anduangi.

¹²Siisighie memu yake uighorie; nadabonya lukundo lwake, sinughagha bea rapo.

¹³Mlungu ndeghalukagha. Ndekuwadie mndungi udimagha kumtangala. Wadaboya seji koni ukunde.

¹⁴Uchakatisha mpango ghwake aighu yapo, nao oko na mipango milazi ifwane huwo.

¹⁵Kwa wundu ugho naobua imbiri kwake; ngaririkanya agho ghose, niangilwa ni kiture chake.

¹⁶Mlungu wanibonyere ngafwa ngolo; Uo-Uwadie-Ndighi-Rose waningirie kiture.

¹⁷Hata huwo saki, kira ndechininyamirishire; sinyamirishiro ni icho kira cha ndindi anduangi.