Read TAITA BIBLE – Biblia Ilagho Jiboie Kwa Wandu Wose ZABURI 101 Bible Online

ZABURI 101 - TAITA BIBLE – Biblia Ilagho Jiboie Kwa Wandu Wose bible

ZABURI 101

¹Nichakuboria lumbo ee BWANA; nichakuboria malagho gha wuloli na gha hachi.

²Nichalindia nisebonye ikosa jingi. Ado kuchaacha lii kwapo? Nichadua na irangi jielie nyumbenyi kwapo.

³Sichaawika kindo chingi chiseelie imbiri kwapo. Nadazamilwa ni mabonyo gha wandu wimsighagha Mlungu; sikunde wungara ghungi nawo.

⁴Nichakaia kula na wuwiwi; sichaabonya ilagho jingi jizamie.

⁵Nichamtotesha mundu umdedagha mmbao kivisonyi. Sichaamrumaghia mundu ukudukie, uzighanagha kwa lung'eto.

⁶Nichawirumiria awo wiko waloli isangenyi, wikanyeghee nani; uo usebonyagha ikosa uchanidumikia.

⁷Mndungi wa mikalo ndechaakaia ngomenyi kwapo; mtee ungi ndechaakaia imbiri kwapo anduangi.

⁸Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.