Read TAITA BIBLE – Biblia Ilagho Jiboie Kwa Wandu Wose ZABURI 108 Bible Online

ZABURI 108 - TAITA BIBLE – Biblia Ilagho Jiboie Kwa Wandu Wose bible

ZABURI 108

¹Neko nimange kwako ee Mlungu! Nichakuboria kwa lwaka lusingie! Wuka ee roho yapo!

²Wuka ee kinubi na zeze, nichawuka kokesho kio.

³Nichakufunyira chawucha aghadi ya wandu ee BWANA, nichakuboria makaso aghadi ya mbari zima.

⁴Lukundo lwako lukatie ni lubaa lwachumba mlungunyi; wuloli ghwako ghwavika mawingunyi.

⁵Wonyera wudimi ghwako aighu mawingunyi ee Mlungu, na wubaa ghwako aighu ndoenyi kose.

⁶Dikire kwa ndighi rako; kunitumbulie ilombi japo, eri awo wandu kuwikunde wipate kukirwa.

⁷Mlungu walaghirie andenyi ya Andu kwake kwa Wueli ukaghamba: “Nichawagha Shekemu kwa wusimi. Vololo ya Sukothi nichaiwaghia wandu wapo.

⁸Gileadi ni yapo, na Manase wori ni yapo. Efraimu ni kofia yapo ya chuma, na Juda ni mzata ghwapo ghwa nguma.

⁹Moabu ni beseni yapo ekuoghoshera, nichaikumbia Edomu chadu chapo kuwonyera ni yapo; nichaizomia Filistia kwa wusimi.”

¹⁰Nani uchaanighenja muzi ghwa ngome? Nani uchaanilongoza Edomu?

¹¹Huwo ndekoodilegha ekusewueghendanya na majeshi ghedu ee Mlungu?

¹²Ditesie kulwa na m'maiza; wutesia ghwa mdamu ndeghufwanagha.

¹³Dikakanya na Mlungu dichasima; uo uchawiwadia-wadia wamaiza wedu.