Read TAITA BIBLE – Biblia Ilagho Jiboie Kwa Wandu Wose ZABURI 111 Bible Online

ZABURI 111 - TAITA BIBLE – Biblia Ilagho Jiboie Kwa Wandu Wose bible

ZABURI 111

¹BWANA ndekaso! Nichamfunyira BWANA chawucha kwa ngolo yapo yose andenyi ya ikwanyiko ja wandu wecha.

²Kazi ra BWANA ni mbaa. Wandu wose wiboilwagha naro, wadakufundisha andenyi yaro.

³Kazi yake yachua ishima na wubaa, na hachi yake yadua kwa kala.

⁴BWANA wabonya kazi rake ra mashiniko rikumbuko; wachua mvono na wughoma.

⁵Wadawineka vindo awo wimuobuagha, nao jingi ndeliwagha ilaghano jake.

⁶Wawiwonyera wandu wake kudima kwake, kwa kuwineka masanga gha mbari zima.

⁷Uo ni mloli na mhachi kwa agho ghose ubonyagha; memu yake yose ni erumirilwa.

⁸Yadua kwa kala na kala, ipate kukatishwa kwa ngolo ya loli na nicha.

⁹Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

¹⁰Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.