Read TAITA BIBLE – Biblia Ilagho Jiboie Kwa Wandu Wose ZABURI 112 Bible Online

ZABURI 112 - TAITA BIBLE – Biblia Ilagho Jiboie Kwa Wandu Wose bible

ZABURI 112

¹BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

²Wana wake wichakaia na wudimi isangenyi, kivalwa chake chicharasimilwa.

³Wandu wa nyumbenyi kwake wichakaia wazuri wa mali; nao uchakaia nicha matuku ghose.

⁴Mwengere ghwadalangala akirenyi, kwa wandu wiko wa mvono, na wughoma, na hachi.

⁵Warasimilwa mundu wa ishima ukopeshagha, na kubonya biashara yake kwa wuloli.

⁶Mhachi ndechaanyavurika jingi; uchakumbukwa kwa kala na kala.

⁷Ndeturuswagha ni kuredelwa malagho ghizamie; ngolo yake yakaia imange ukimrumiria BWANA.

⁸Ngolo yake yadakaia kidombo usena wowa, hata uvikie kuwona wamaiza wake wikisimwa.

⁹Wadaneka wakiwa mali rake duu; wughoma ghwake ndeghusiagha; uchakaia na ndighi nyingi na kunekwa ishima ibaa.

¹⁰Mundu mmbiwi wadawona agho na kujokwa ni machu; wadazugha mizu na kughenda chia rake; bea ya mundu mmbiwi ndeikatishwagha.