Read TAITA BIBLE – Biblia Ilagho Jiboie Kwa Wandu Wose ZABURI 113 Bible Online

ZABURI 113 - TAITA BIBLE – Biblia Ilagho Jiboie Kwa Wandu Wose bible

ZABURI 113

¹BWANA ndekaso! Inyo wadumiki wa BWANA, kasenyi irina jake.

²Irina ja BWANA ndejikaso, kufuma idana hata kwa kala na kala.

³Irina ja BWANA ndejikaso, kufuma mashariki hata magharibi.

⁴BWANA wabonya nguma aighu ya mbari rose ra wandu, na wubaa ghwake ghoko aighu kuchumba mlungunyi.

⁵Ndekuwadie ungi uko sa BWANA Mlungu odu. Wadakaia ighu koighu,

⁶na kughomeka uzighane mlungunyi na ndoenyi.

⁷Wadammbusira mkiwa kufuma terinyi, na kumjosa uo usowagha kufuma wasinyi,

⁸na kuwisera kidombo chiaimweri na wabaa, awo wabaa wa wandu wake.

⁹Wadam'bonyera ishima muka kolowi mzinyi kwake; wam'bonya uboilo kwa kumneka wana. BWANA ndekaso!