Read TAITA BIBLE – Biblia Ilagho Jiboie Kwa Wandu Wose ZABURI 118 Bible Online

ZABURI 118 - TAITA BIBLE – Biblia Ilagho Jiboie Kwa Wandu Wose bible

ZABURI 118

¹Mfunyirenyi BWANA chawucha angu ni mucha; lukundo lwake lukatie lwadua matuku ghose.

²Wandu wa Israeli ndewighambe, “Lukundo lwake lukatie lwadua matuku ghose.”

³Wakohani wa Mlungu ndewighambe, “Lukundo lwake lukatie lwadua matuku ghose.”

⁴Awo wimuobuagha BWANA ndewighambe, “Lukundo lwake lukatie lwadua matuku ghose.”

⁵Neremmbangieghe BWANA kwa wasi ghwapo, ukanitumbulia na kunifungua.

⁶Neko na BWANA, sichaaobua; mdamu wadima kunibonya wada?

⁷BWANA oko andwamweri nani uchanitesia; nichawiwona wamaiza wapo wimerie kusimwa.

⁸Ni nicha kumrumiria BWANA, kuchumba kukusaghika na mdamu.

⁹Ni nicha kumrumiria BWANA, kuchumba kukusaghika na wabaa.

¹⁰Wamaiza wengi werenimarieghe chia rose; ngawisima kwa ndighi ra BWANA.

¹¹Werenimarieghe, wikanimara wikanimara wikanidunganisha; ngawisima kwa ndighi ra BWANA.

¹²Werenimarieghe sa choki, ela weresirieghe sa kuhia kwa modo ghwa minjwa; ngawisima kwa ndighi ra BWANA.

¹³Werelueghe nani kwa kubia kaavui na kunisima, ela BWANA ukanikira.

¹⁴BWANA ni ndighi rapo na lumbo lwapo, nao wanikirie.

¹⁵Sikirenyi chumbo ra wusimi ra kuboilwa hemenyi kwa wahachi: “Ndighi ra BWANA rabonya wusimi;

¹⁶ndighi rake radiredia wusimi; ndighi rake rabonya kwa wuing'oni.”

¹⁷Sifwagha, ela nichakaia moyo, na kueresha malagho gha mabonyo gha BWANA.

¹⁸BWANA wanikabie nandighi, ela ndenisighie nifo anduangi.

¹⁹Nirughuenyi mbenge ra Hekalu, nipate kungia na kumfunyira BWANA chawucha.

²⁰Iyo ni mbenge ya BWANA; wahachi wichangia wikiidiria aho.

²¹Nakufunyira chawucha BWANA kwa kunitumbulia, na kunikira.

²²Igho jerelegheloghe ni waaghi, jawurie ibaa ja mbembenyi.

²³Iji ni ibonyo ja BWANA; nesi daawuyajiwona dikadashinika.

²⁴Iji nijo ituku ja wusimi ghwa BWANA; ndediboilo na kuzuma andenyi yaro.

²⁵Dakuvoya kudikire ee BWANA! Dakuvoya kudisimishe.

²⁶Nderasimilo uo ungiagha kwa irina ja BWANA! Dakurasimia kufuma Hekalunyi kwa BWANA.

²⁷BWANA ni Mlungu, wakaie mucha kodu. Zoenyi ndima na masawi mkonunyi mkighenda kuimara madhabahu.

²⁸Oho ko Mlungu wapo; nichakufunyira chawucha. Oho ko Mlungu wapo nichaeresha wubaa ghwako.

²⁹Mfunyirenyi BWANA chawucha angu ni mucha; lukundo lwake lukatie lwadua matuku ghose.