Read TAITA BIBLE – Biblia Ilagho Jiboie Kwa Wandu Wose ZABURI 122 Bible Online

ZABURI 122 - TAITA BIBLE – Biblia Ilagho Jiboie Kwa Wandu Wose bible

ZABURI 122

¹Nereboiloghe iji wandu werenizerieghe, “Ndedighende nyumbenyi kwa BWANA!”

²Idana dakaia kimusi andenyi ya mbenge rako, ee Jerusalemu.

³Jerusalemu ni muzi ghuaghilo na kuwadanishwa nicha.

⁴Aho vichuku vadacha, ivo vichuku va Israeli, kumfunyira BWANA chawucha, kunughana na memu yake.

⁵Aho niko wazuri wa Israeli wiseagha kidombo kutanya wandu wawo.

⁶Lombenyi sere kwa wundu ghwa Jerusalemu: “Ndewipate mecha awo wikukundagha.

⁷Sere ndeikaie andenyi ya mawurigha ghako, na wulindiri andenyi ya minara yako.”

⁸Kwa wundu ghwa wanidu, na wangara wapo nichazera Jerusalemu, “Sere ndeikaie andenyi kwako.”

⁹Kwa wundu ghwa nyumba ya BWANA Mlungu odu, nichakulomba wucha ghwako.