Read TAITA BIBLE – Biblia Ilagho Jiboie Kwa Wandu Wose ZABURI 136 Bible Online

ZABURI 136 - TAITA BIBLE – Biblia Ilagho Jiboie Kwa Wandu Wose bible

ZABURI 136

¹Mfunyirenyi BWANA chawucha angu ni mucha; lukundo lwake lukatie lwadua kwa kala.

²Mfunyirenyi Mlungu chawucha, uo uko aighu ya milungu yose; lukundo lwake lukatie lwadua kwa kala.

³Mfunyirenyi Bwana chawucha, uo uko aighu ya weke Bwana wose; lukundo lwake lukatie lwadua kwa kala.

⁴Uo uekeri ubonyagha mashiniko; lukundo lwake lukatie lwadua kwa kala.

⁵Orebonyereghe mlungunyi kwa hikima yake; lukundo lwake lukatie lwadua kwa kala.

⁶Orewikieghe ndoenyi aighu ya machi; lukundo lwake lukatie lwadua kwa kala.

⁷Orebonyereghe miengere mibaa; lukundo lwake lukatie lwadua kwa kala.

⁸Iruwa jibonye nguma nadime; lukundo lwake lukatie lwadua kwa kala.

⁹Mori na nyerinyeri ribonye nguma nakio, lukundo lwake lukatie lwadua kwa kala.

¹⁰Orewibwaghieghe wavalwa wa imbiri wa Misri; lukundo lwake lukatie lwadua kwa kala.

¹¹Orewifunyireghe wandu wa Israeli kufuma Misri; lukundo lwake lukatie lwadua kwa kala;

¹²kwa mkonu ghwake ghuwadie ndighi, lukundo lwake lukatie lwadua kwa kala.

¹³Orewaghanyireghe Bahari ya Shamu aghadi; lukundo lwake lukatie lwadua kwa kala.

¹⁴Ukawibonya wandu wa Israeli wiide aghadi yaro; lukundo lwake lukatie lwadua kwa kala.

¹⁵Ukamkumba mzuri wa Misri na ijeshi jake umilo ni bahari; lukundo lwake lukatie lwadua kwa kala.

¹⁶Orewilongozereghe wandu wake kireti; lukundo lwake lukatie lwadua kwa kala.

¹⁷Orewitoteshereghe wazuri wabaa; lukundo lwake lukatie lwadua kwa kala.

¹⁸Ukawibwagha wazuri wikumikie, lukundo lwake lukatie lwadua kwa kala.

¹⁹Sihoni mzuri wa Waamori, lukundo lwake lukatie lwadua kwa kala.

²⁰Na Ogu mzuri wa Bashani; lukundo lwake lukatie lwadua kwa kala.

²¹Orewinekieghe wandu wake isanga jawo; lukundo lwake lukatie lwadua kwa kala.

²²Ukamneka isanga Israeli mdumiki wake; lukundo lwake lukatie lwadua kwa kala.

²³Oredikumbukieghe ingelo deresimiloghe; lukundo lwake lukatie lwadua kwa kala.

²⁴Ukadivuvua kufuma kwa wamaiza wedu; lukundo lwake lukatie lwadua kwa kala.

²⁵Wanekagha maumbo ghake vindo; lukundo lwake lukatie lwadua kwa kala.

²⁶Mfunyirenyi chawucha Mlungu wa mlungunyi; lukundo lwake lukatie lwadua kwa kala.