Read TAITA BIBLE – Biblia Ilagho Jiboie Kwa Wandu Wose ZABURI 137 Bible Online

ZABURI 137 - TAITA BIBLE – Biblia Ilagho Jiboie Kwa Wandu Wose bible

ZABURI 137

¹Dereserieghe kidombo mbai na mbai ya meda ya Babuloni; iji derekumbukieghe Sioni aho, dikalila.

²Dikawanika zeze redu aighu ya midi iko aho.

³Wandu weredidwaeghe wunyika werekundieghe diwiborie chumbo; wakorongi wedu wikadikunda diwibonyere maseko wikighamba, “Diborienyi lumbo lumu lwa Sioni!”

⁴Didima wada kubora lumbo lwa BWANA a isangenyi ja kighenyi?

⁵Ngakuliwa oho ee Jerusalemu, mkonu ghwapo ghwa kiwomi ghukele, jingi ghusekabe kinubi.

⁶Ngakaia nisekukumbukie oho Jerusalemu, na kukuwika oho kukaie kuboilwa kwapo kuchumbie, lumi lwapo ndelukakadiane na lwasasa nisebore.

⁷Kumbuka ee BWANA seji Waedomu werebonyereghe ituku Jerusalemu iwadilo. Kumbuka seji werekemieghe, “Ivuchuonyi ivuchuonyi! Vuchuonyi hata mvike msinginyi!”

⁸Ee muzi ghwa Babuloni, kuchatoteshwa! Warasimilwa uo mundu uchaalipa ngenga kwa wundu ghwa agho kudibonyere.

⁹Warasimilwa uo mundu uchaawiwada wana wako na kuwibaria ndonyi ighonyi.