Read TAITA BIBLE – Biblia Ilagho Jiboie Kwa Wandu Wose ZABURI 138 Bible Online

ZABURI 138 - TAITA BIBLE – Biblia Ilagho Jiboie Kwa Wandu Wose bible

ZABURI 138

¹Nakufunyira chawucha kwa ngolo yapo yose ee BWANA, nawuyabora makaso ghako imbiri ya milungu.

²Nadaghoghoma ngilaghaya Hekalu yako ya wueli, na kujifunyira chawucha irina jako kwa wundu ghwa lukundo lwako lukatie na wuloli ghwako. Kwawonyere kukaia irina jako na memu yako ni ibaa.

³Ituku nerekuwangieghe, korenitumbulieghe; kukanichuria ndighi ra kiroho.

⁴Wazuri wose wa ndoenyi wichakukasa oho ee BWANA, angu wisikire agho malagho kulaghirie.

⁵Wichabora malagho gha mabonyo ghako, na gha wubaa ghwako mungi.

⁶Hata ngera koko ighu ee BWANA, kwadawitala wanyonge; Ela wandu wikukasire, ndewivisikagha kwako.

⁷Hata ngera naidia andenyi ya wasi, kwadanilindia; kwadawitangala wamaiza wapo wiko na machu, na kunikira kwa ndighi rako.

⁸BWANA, kuchakatisha malaghiro ghako kwapo; lukundo lwako lukatie ee BWANA lwadua kwa kala. Kusakesigha kazi kuibonyere.