Read TAITA BIBLE – Biblia Ilagho Jiboie Kwa Wandu Wose ZABURI 14 Bible Online

ZABURI 14 - TAITA BIBLE – Biblia Ilagho Jiboie Kwa Wandu Wose bible

ZABURI 14

¹Mkelu wadaghamba ngolonyi kwake, “Mlungu ungi ndeuko.” Ni wandu winonekie, wibonyagha malagho ghizamie, hata ndekuwadie ungi ubonyagha nicha anduangi.

²BWANA wadawizighana wadamu kufuma mlungunyi, uwone ngera oko mndungi uko na hikima, umlolagha Mlungu.

³Wandu wose weelaghaya, wose weenoneka; ndekuwadie ungi ubonyagha nicha, ndeuko hata umweri.

⁴BWANA wakotia, “Welee, awabonyi kiwiwi wose ndewikufundishagha jingi? Wadasoka wandu wapo, hata ndewinilombagha.”

⁵Wichakaia na kiture kibaa aho, angu Mlungu wadakanya na wandu wa hachi.

⁶Inyo wawiwi, mwadainona mipango ya mkiwa; ela BWANA wadamlindia.

⁷Ima kukia kwa wandu wa Israeli ndakwachaa kufuma Sioni! Wandu wa Israeli wichaboilwa na kuzuma, ingelo BWANA uchaawiwunjira mecha ghawo.