Read TAITA BIBLE – Biblia Ilagho Jiboie Kwa Wandu Wose ZABURI 142 Bible Online

ZABURI 142 - TAITA BIBLE – Biblia Ilagho Jiboie Kwa Wandu Wose bible

ZABURI 142

¹Namkemia BWANA kwa lwaka; namvoya kwa lwaka.

²Nalalamika imbiri kwake; namghoria wasi ghwapo ghose.

³Iji nakafwa ngolo, uo wamanya seji inifwane nibonye. Wamaiza wapo waniwikia mdegho chienyi andu niidiriagha.

⁴Ngeduazighana ii chia, siwonagha mndungi onitesia, hata onilindia mndungi onitala ndeuko.

⁵BWANA, naawuyakulilia; oho ko mlindiri wapo; oho ko vose nivikundagha va irangi iji.

⁶Sikira kililo chapo kunitesie nafwa ngolo nandighi. Kunikire na wamaiza wapo, angu weko na ndighi kunichumba.

⁷Nifunye wasinyi; nichakukasa andenyi ya ikwanyiko ja wandu wako kwa wundu ghwa wucha ghwako kwapo.