Read TAITA BIBLE – Biblia Ilagho Jiboie Kwa Wandu Wose ZABURI 2 Bible Online

ZABURI 2 - TAITA BIBLE – Biblia Ilagho Jiboie Kwa Wandu Wose bible

ZABURI 2

¹Kwaki mbari ra wandu rileghagha, na kubonya mipango ya duu?

²Wazuri, wa ndoenyi wakupanga, na wabonyi nguma wabonya njama chiaimweri aighu ya BWANA na aighu ya Msaghulwa wake.

³Nawo waghamba, “Ndedileghe wisedibonyere nguma, hata kufungwa ni sharia rawo.”

⁴BWANA, uo uko kidombo kifumbinyi cha nguma mlungunyi waawuyaseka, na kumenya malagho ghawo.

⁵Niko uchawidedia na machu, na kuwiobosha kwa lubio lwake.

⁶Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

⁷Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

⁸Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

⁹Kuchawikaba kwa ndighi mbaa, na kuwibara-bara sa chombo cha wongo.’”

¹⁰Kwa huwo idana ee wazuri, mkaie na hikima; inyo wabonyi nguma wa ndoenyi mkufundishe.

¹¹Mdumikienyi BWANA kwa kuobua na kukusera.

¹²Mghoghomekienyi usechejokwa ni machu shwa wori, na kumtotesha chienyi. Warasimilwa awo wose wimkimbiriagha.