Read TAITA BIBLE – Biblia Ilagho Jiboie Kwa Wandu Wose ZABURI 20 Bible Online

ZABURI 20 - TAITA BIBLE – Biblia Ilagho Jiboie Kwa Wandu Wose bible

ZABURI 20

¹BWANA ndekutumbulie ituku ja wasi, Mlungu wa Jakobo ndekulindie.

²Ndekuredie wutesia ghufumagha Hekalunyi, na kukumazira kufuma Mghondi ghwa Sioni.

³Ndeghirumirie mafunyo ghako ghose na kuboilwa ni vizongona vako vekora.

⁴Ndekuneke vose kukunde, na kuikatisha mipango yako yose.

⁵Niko dichazuma kwa wusimi ghwako, na kuwusira bendera redu dikimkasa Mlungu odu. BWANA ndekukatishire malombi ghako ghose.

⁶Idana namanya kukaia BWANA wamkiragha Msaghulwa wake, wadamtumbulia kufuma mlungunyi kwake kuelie, kwa wusimi m'baa ghwa ndighi rake.

⁷Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

⁸Wichadumbuka na kughwa; ela isi dichawuka na kumanga kimusi.

⁹Mneke mzuri wusimi ee BWANA, na iji dawanga, kuditumbulie.