Read TAITA BIBLE – Biblia Ilagho Jiboie Kwa Wandu Wose ZABURI 24 Bible Online

ZABURI 24 - TAITA BIBLE – Biblia Ilagho Jiboie Kwa Wandu Wose bible

ZABURI 24

¹Wurumwengu na vose viko andenyi yaro ni va BWANA ndoenyi na vose vikaiagha andenyi yaro ni vake.

²Waghuaghie aighu ya machi ghimilie ndoenyi nakosi, ukawika misingi yaro baharinyi nandonyi.

³Nani udimagha kujoka mghondinyi kwa BWANA? Na nani udimagha kukaia kimusi andenyi ya Hekalu yake ya wueli?

⁴Ni mundu usebonyagha kiwiwi, uko na ngolo ielie; usetasagha milimu, hata kughema kwa tee.

⁵Mundu uo ucharasimilwa ni BWANA, nao uchanekwa hachi ni Mlungu Mkiri wake.

⁶Wandu sa awo niwo wimlolagha BWANA; niwo wilolagha kummbona Mlungu wa Jakobo.

⁷Wikenyi mbenge riari, mrughuo iyo minyango ya kala; Mzuri wa wubaa upate kungia.

⁸Uo Mzuri wa wubaa nani? Ni BWANA uwadie ndighi na kudima; BWANA ing'oni ja wuda.

⁹Wikenyi mbenge riari, mrughuo iyo minyango ya kala; Mzuri wa wubaa upate kungia.

¹⁰Uo Mzuri wa wubaa nani? BWANA wa majeshi nuo Mzuri wa wubaa.